9 747
Генерал Дўстум: “Ислом Каримов уруш барчамизнинг тинч ҳаётимизга таҳдид солган пайтда доимо Афғонистон халқи билан ёнма-ён турди”
Афғонистон Ислом Республикаси Президентининг биринчи ўринбосари, Афғонистон Миллий исломий ҳаракати партияси раиси ва Афғонистон туркий миллатлар раҳбари, генерал Абдурашид Дўстум Ўзбекистон Республикаси Президенти Ислом Каримов бевақт вафот этгани муносабати билан таъзия изҳор этди. Бу ҳақда "Qalampir.uz" хабар берди.
“Дўст ва биродар Ўзбекистон Республикасининг Президенти Ислом Каримов Жаноби Олийларининг вафоти ҳақида қайғули хабардан воқиф бўлдим. Ушбу мактубим орқали Ўзбекистон Ҳукуматига, Ўзбекистон Президентининг оила аъзоларига ҳамда дўст ва биродар ўзбек халқига ўзимнинг чуқур таъзиямни билдирар эканман, Оллоҳдан марҳумнинг жойларини жаннатдан ато этишини, унинг оила аъзоларига ва бутун ўзбек халқига сабр-бардош беришини сўрайман”, дейди генерал.
Унинг сўларига кўра, Ислом Каримов минтақа ва жаҳоннинг нуфузли сиймоларидан бири бўлиб, узоқ йиллар давомида ўз мамлакатининг тинчлиги ва хавфсизлигини таъминлашга ҳамда ҳар томонлама тараққий топишига улкан ҳисса қўшган.
“У минтақада юзага келган ўта мураккаб вазиятларни ҳал қилишда муҳим ўрин тутди, турли қийинчиликларга рўбарў бўлаётган Афғонистон халқининг энг яқин дўсти бўлиб қолди.
“Мен Ўзбекистон Республикасининг Биринчи Президенти Ислом Каримовнинг вафотини Ўзбекистон халқи ва минтақанинг барча давлатлари учун катта йўқотиш, деб биламан. У киши орамизда бўлмаса-да, хотираси қалбимизда абадий сақланади.
Ислом Каримов Афғонистон оғир вазиятга тушганда, мамлакатда юзага келган уруш барчамизнинг тинч ҳаётимизга таҳдид солган пайтда доимо Афғонистон халқи билан ёнма-ён турди.
Умидворманки, бундан кейин ҳам дўст ва биродар Ўзбекистон халқи Ислом Каримов томонидан бошлаб берилган ва келажак авлодларга мерос қолдирилган аниқ йўлда зийраклик ва жасорат билан ҳаракатланади ҳамда ўз мамлакатининг тинчлиги ва хавфсизлигини таъминлайди”, дейди Абдурашид Дўстум. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Damas учун онлайн контрактация очилади
Эрон президенти жиддий баёнот берди: «Исроилдан ҳеч нарса қолмайди»
Германиянинг Knauf компанияси Россиядан бутунлай чиқиб кетишини тасдиқлади
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?