Ҳайдовчисиз автомобиль пиёдаларни уриб юборишда давом этадими? » Ўзбекистон янгиликлари – Zamin.uz

Ҳайдовчисиз автомобиль пиёдаларни уриб юборишда давом этадими?

Ҳайдовчисиз автомобиль пиёдаларни уриб юборишда давом этадими?

Олимлар ҳайдовчисиз автомобилга доир ахлоқий масалалар муҳокамаси билан банд бўлган чоғда Mercedes-Benz бу борада кескин қадам қўйди. Аниқроғи, пиёдалар эмас, автомобилдаги йўловчилар фойдасига.

Муҳокама доирасида АҚШдаги Массачусетс технология институти олимлари Moral Machine интерактив порталини ишлаб чиқди. Унда оқибати муқаррар ўлим билан тугайдиган 13 сценарийдан бирини фойдаланувчи танлаши керак. Ким қурбон бўлиши ёки автопилот қай тартиб-қоида асосида хатти-ҳаракат содир этиши савол остида. Бу ҳам автопилот иштирокидаги автоҳалокатларга ахлоқий жиҳатдан бир назардир.
Ҳайдовчисиз автомобиль пиёдаларни уриб юборишда давом этадими?

Mercedes-Benz эса совуққонлик билан қарор қабул қилди. Фантаст адиб Айзек Азимов қаламига мансуб “Робототехниканинг уч қонуни”дан келиб чиқиб, бу вазиятда робот пиёдани эмас, автомобилдаги йўловчиларнинг ҳаётини бирламчи ҳисоблайди! Бу бир тарафдан тўғридек: қайси робот бегонани эмас, ўз эгасини бемалол қурбон қилади? Ҳеч қайси. Шу боис автомобилдаги йўловчиларнинг ҳаёти энг асосийсидир, дейди немис машинасозлари. Ҳаттоки, пиёданинг ёши, жинси, ижтимоий мавқеи ҳам бу ерда аҳамиятсиз, қолаверса, ҳуқуқий томондан бу энг тўғри йўлдир, деб ҳисоблайди мерседесчилар.

Аммо бу ёндашувга ҳамма ҳам қўшилгани йўқ.

Ўзгача фикрдагилар ҳайдовчисиз автомобиль эҳтимолий қурбонлар сонини ҳисобга олмаслигини танқид қилмоқда. Қолаверса, автоном тизим ижтимоий тенгсизликни қўзғатади, деб ҳисоблашади. Яъни ҳайдовчисиз автомобилни бадавлат кишиларгина сотиб олади, демак унинг ҳаёти бир пиёданикидан афзал турар экан-да.
Ҳайдовчисиз автомобиль пиёдаларни уриб юборишда давом этадими?

Mercedes-Benz эса автоном автомобиллар ҳайдовчили автомобилларга қараганда жуда кам автоҳалокат содир қилишини айтиб уларни тинчлантиришга уринмоқда.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru