GM Uzbekistan 2015 йил октябрь ойидан газда ҳаракатланувчи автомобилларни ишлаб чиқара бошлайди » Ўзбекистон янгиликлари – Zamin.uz
18-03-2015 | 15:12 ZAMIN.UZ / Авто / 18 Март 2015 года
4 943

GM Uzbekistan 2015 йил октябрь ойидан газда ҳаракатланувчи автомобилларни ишлаб чиқара бошлайди

GM Uzbekistan 2015 йил октябрь ойидан газда ҳаракатланувчи автомобилларни ишлаб чиқара бошлайди

GM Uzbekistan қўшма корхонаси жорий йилнинг октябрь ойидан экомобилларни серияли ишлаб чиқаришни йўлга қўяди, яъни деярли барча моделлар газ ускуналари билан чиқарила бошлайди, деб хабар бермоқда «Finance.uz».

Капот остига ўрнатиладиган газ баллони ускуналарини «Автосаноат − Landi Renzo» Ўзбекистон−Италия қўшма корхонаси еткaзиб беради. Ҳозирда бундай ускуналар ўрнатилган 25 та автомобиль синовдан ўтказилмоқда. Октябрь ойида 1500 та шундай автомобиль сотувга чиқарилиши кўзда тутилмоқда. Қурилма 6−8 цилиндрли автомобиллар (Captiva) дан ташқари GM Uzbekistan’нинг барча моделларига тушади.

Қайд этилишича, янги авлоддаги автомобилларнинг асосий устунликлари сифат, тежамкорлик ва экологияга зиёнсизликдир. Ҳам бензин, ҳам газда бирдай ишлайдиган автомобиль бозордаги энг тежамкор машиналардан бўлади. 90 литрли баллон бир марта тўлдирилганда 340−350 километр масофа учун етарли бўлади. Шунингдек, ҳайдовчи учун хавфсизлик даражаси ҳам ошади.

Ускунанинг бир комплекти Ўзбекистон Марказий банки курси бўйича 600−700 доллар атрофида бўлади. Шу муносабати билан автомобиль нархи ҳам бирмунча ошади. Бироқ GM Uzbekistan куздан бошлаб автомобилларнинг 50 фоизини шундай қурилмалар билан чиқариши харидорга танлов имкониятини қолдиради.

Манба: www.daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru