General Motors Россия бозоридан кетишини маълум қилди » Ўзбекистон янгиликлари – Zamin.uz
18-03-2015 | 21:13 ZAMIN.UZ / Авто / 18 Март 2015 года
2 691

General Motors Россия бозоридан кетишини маълум қилди

General Motors Россия бозоридан кетишини маълум қилди

Zamin.uz - АҚШнинг автомобиль ишлаб чиқарувчи General Motors корпорацияси 18 март куни эълон қилган матбуот хабарномасида Россия автомобиль бозоридан Opel ва Chevrolet бренди моделларининг аксарият қисми тўлалигича чиқарилишини маълум қилган.

Opel 2015 йил охиригача Россия бозоридан бутунлай чиқиб кетади, яъни бу русумдаги машиналар савдоси тўхтатилади, Санкт-Петербургда бу русумдаги машиналар ишлаб чиқарилиши тўхтатилади. Chevrolet брендининг Corvette, Camaro ва Tahoe моделларигина Россияда бозорида қолади. Шунингдек, Cadillac бренди ҳам савдодан чиқарилмайди.

GM президенти Дэн Амманнинг сўзларига қараганда, “бу қарор жуда мураккаб узоқ истиқболларга эга бўлган бозорга катта миқдорда инвестициялар киритилишининг олдини олади”.

Opel Group бош директори Карл-Томас Нойман эса мамлакатдаги бозор шароити йирик инвестицияларни оқламслигини таъкидлаб ўтган.
Санкт-Петербургдаги автозавод жорий йилнинг ўрталарига келиб ўз фаолиятини тўхтатади. GM-Аvtovaz қўшма корхонаси Chevrolet Niva русумли автомашинани ишлаб чиқаришда давом этади. Ушбу русумлардаги автомашиналар эгалари олдидаги мажбуриятларини бажариш учун корпорация дилерлик тармоғи орқали ишлашни давом эттиради.

Маълумотларга қараганда, айни пайтда Россия бозорида сотилаётган русумларнинг деярли барчаси мамлакатнинг ўзидаги корхоналарда ишлаб чиқарилади.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru