“GM Uzbekistan” компанияси Chevrolet Tracker ни синовдан ўтказад » Ўзбекистон янгиликлари – Zamin.uz
01-06-2015 | 21:11 ZAMIN.UZ / Авто / 01 Июн 2015 года
4 053

“GM Uzbekistan” компанияси Chevrolet Tracker ни синовдан ўтказад

 “GM Uzbekistan” компанияси Chevrolet Tracker ни синовдан ўтказад

GM Uzbekistan компанияси ходимлари Ўзбекистон шаҳарлари бўйича бир ҳафта давом этадиган Rally Muynak автопойгаси давомида Chevrolet Orlando ва янги модель – Chevrolet Tracker’ни синовдан ўтказади, деб хабар бермоқда Kun.uz. Бу ҳақда компания сайтида хабар берилмоқда. Бу лойиҳадан мақсад Ўзбекистон бўйлаб автомобилларда саёҳатларни оммалаштиришдан иборат.

Автопойга иштирокчилари бир ҳафта давомида Самарқанд, Бухоро, Хива каби қадимий шаҳарлар, Чашма мажмуаси ва Нуротадаги Александр Македонскийнинг “Нур” қалъаси харобалари, Қизилқум чўли, Айдаркўл қўли ва юртимизнинг бошқа кўплаб қизиқарли жойларига ташриф буюради. Автосаёҳатчиларни йўлда Аёз-Қалъа қўрғони, Амударёдан кечув ҳамда кўпчилик сайёҳларнинг орзуси бўлган экзотик шаҳар Мўйноқ кутмоқда.

Ушбу лойиҳада 4 автомобилда 9 киши иштирок этади. Автопойгада юртимиз автосаноати вакиллари ҳам иштирок этмоқдалар. “GM Uzbekistan” ходимлари қолган иштирокчилар баробарида автпойгада иштирок этишлари билан бирга Chevrolet Orlando ва компаниянинг янги модели – Chevrolet Tracker ни синовдан ўтказади.

“Яқинда бизнинг заводимиз Chevrolet Tracker моделини олди ва автопойгада биз бу моделни синовдан ўтказишни режалаштирмоқдамиз. Бизнинг вазифамиз янги Chevrolet Tracker ва Chevrolet Orlando моделларининг мураккаб шароитларда ўзларини қандай тутишини аниқлашдан иборат. Биз автомобилларни чанг, қум шароитида ҳамда юқори ҳароратда узоқ масофага юришда синовдан ўтказамиз, бензин адаптациясига эътиборни қаратамиз, сафар якунидан кейин ҳисобот тайёрлаймиз. Шу тариқа, бу машинани чиқаришдан аввал уни бизнинг бозорга мослаштира оламиз”, деб айтмоқда “GM Uzbekistan” компаниясининг спорт бўлинмаси раҳбари Шерзод Жумаев.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru