25 апрель куни шоу-бизнесдаги аёл хонандалардан бири турмушга чиқяпти » Ўзбекистон янгиликлари – Zamin.uz

25 апрель куни шоу-бизнесдаги аёл хонандалардан бири турмушга чиқяпти

25 апрель куни шоу-бизнесдаги аёл хонандалардан бири турмушга чиқяпти

Опера йўналишида ижод қилиб, нафақат мамлакатимизда, балки хорижда ҳам эътиборга тушишга муваффақ бўлган хонанда “Ниҳол” мукофоти совриндори Милена Мадмусаеванинг турмушга чиқаётгани маълум бўлди. Бу ҳақда "Qalampir.uz" хабар берди. Узунқулоқ гапларга қараганда, хонанда продюсери Абдуҳамид Халилов билан ўртадаги муносабатларини оила ришталари ила мустаҳкамлаяпти. Бу хабарни “Сетора” гуруҳининг собиқ вакили Ўзбекистонда хизмат кўрсатган артист Лайло Галиева (Лейли) тасдиқлади. Хонанда ижтимоий тармоқлардаги шахсий саҳифасига Абдуҳамид ва Миленанинг тўйларига таклифномананинг суратини жойлаб, уларга бахт тилади.

Маълумотларга қараганда, тўй 25 апрель куни Тошкентдаги “Versal” ресторанида бўлиб ўтади. Бироқ келин-куёв бу хабарни оммага овоза қилишни хоҳлашмаяпти чоғи тўй ҳақида ОАВга ҳеч қандай расмий хабар берилмади.
25 апрель куни шоу-бизнесдаги аёл хонандалардан бири турмушга чиқяпти

Маълумот учун, Милена Мадмусаева 1987 йилда туғилган. Ўзбекистон давлат консерваториясини тамомлаган хонанда 2015 йилдан буён “Оазис” гуруҳида фаолият юритиб келаётган эди. Мазкур гуруҳга унинг бўлажак турмуш ўртоғи Абдуҳамид Халилов продюсерлик қилади. Милена Мадмусаева Италия, Франция, Испания каби мамлакатларда ўтказилган нуфузли халқаро танловларда иштирок этиб, ғолибликни қўлга киритган.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru