Руслан Шарипов: Ҳаммасига ўзим айбдорман » Ўзбекистон янгиликлари – Zamin.uz
18-06-2016 | 00:32 ZAMIN.UZ / Маданият / 18 Июн 2016 года
2 042

Руслан Шарипов: Ҳаммасига ўзим айбдорман

Руслан Шарипов: Ҳаммасига ўзим айбдорман

Бир муддат аввал Ўзбекистонда хизмат кўрсатган артист, бугунгача хит бўлиб келаётган қатор тароналар муаллифи ҳисобланган Руслан Шариповнинг суратлари интернетда тарқалиб, кенг муҳокамаларга сабаб бўлган эди. Мазкур ҳолат юзасидан MY5 («Менинг юртим») телеканали ижодкорлари санъаткордан қисқа интервью олди, деб ёзади "Дарё" нашри.

«Ҳаммасига ўзим айбдорман. Ёшим 52 га чиқди ва ҳаётимдаги энг қимматли жиҳат — менинг қизларимдир», — деди Руслан Шарипов MY5 телеканалига берган интервьюсида.

Руслан Шарипов ўз вақтида у билан бирга ишлаган ёки у билан ҳамкорлик қилган бир қатор санъаткорларнинг кўп йиллардан бери барқарор ижод билан шуғулланаётганини алоҳида таъкидлаб, уларни олқишлади.

«Менга ёшлар жуда ёқади. Масалан, Зиёда, Улуғбек Раҳматуллаев, Манзуранинг қўшиқлари маъқул. Лекин улар билан деярли мулоқотда бўлмайман», — деди Руслан Шарипов.

«Мен биргаликда қўшиқ ёзишни истаганим санъаткорлар рўйхати катта. Чунки ёзиш мумкин бўлган қўшиқлар жуда кўп», — дея қўшимча қилди Руслан Шарипов.

Аввалроқ Instagram’да Руслан Шариповнинг саҳифаси пайдо бўлгани, бироқ у сохта деб тахмин қилинаётгани ҳақида хабар берилган эди. Шариповнинг онаси эса «Даракчи» нашрига берган интервьюсида ўғлининг ўзи ҳаммасига айбдор эканини айтиб ўтган эди.

Рейтинг:
  • Dislike
  • 0
  • Like
Ҳавола:
Рейтинг@Mail.ru