Ўзбекистонлик Далер Юсуф Малайзия сериали юлдузига айланди » Ўзбекистон янгиликлари – Zamin.uz
20-06-2016 | 13:08 ZAMIN.UZ / Маданият / 20 Июн 2016 года
1 094

Ўзбекистонлик Далер Юсуф Малайзия сериали юлдузига айланди

Ўзбекистонлик Далер Юсуф Малайзия сериали юлдузига айланди

Малайзияда муваффақиятли равишда моделлик карьерасини олиб бораётган ўзбекистонлик Далер Юсуф (Ҳамроқулов) HyppTv телеканалида «Лип-Лап қироллиги» сериалида бош ролни ижро этмоқда. Бу ҳақда My Day нашрига асосланиб, “Даракчи” нашри хабар бермоқда.
Ўзбекистонлик Далер Юсуф Малайзия сериали юлдузига айланди

Ўтган йили Далерга Малайзия телевидениесидаги ситкомда иштирок этиш таклиф этилди, шундан сўнг у мазкур сериалга чақирилди. Унда онаси вафотидан сўнг оиласини ахтариб Ўзбекистондан Малайзияга йўл олган Адам исмли йигит ҳақида ҳикоя қилинади.
Ўзбекистонлик Далер Юсуф Малайзия сериали юлдузига айланди

Далер Ўзбекистон, Сингапур, Филиппин, Индонезия, Таиланд, Малайзияда модель бизнеси билан шуғулланган, BlackBerry, Burger King ва Samsung каби брендлар реклама кампанияларида қатнашган. 19 ёшида Ўзбекистонни тарк этган Далер интервьюларидан бирида онасининг уруғ-аймоқлари Малайзиядан эканлигини билдирганди.

Далер малай тилини мустақил ўргана бошлаган, 2015 йили эса Unisel университетига ўқишга кирган. У сериалда суратга тушиш ишлари якунлангач Греция, Санторини ва Буюк Британияга янги лойиҳаларда иштирок этиш учун жўнаб кетиш ниятида.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru