Ш. Мирзиёев ёшларни алькоголдан узоқлаштирмоқчи » Ўзбекистон янгиликлари – Zamin.uz

Ш. Мирзиёев ёшларни алькоголдан узоқлаштирмоқчи

Ш. Мирзиёев ёшларни алькоголдан узоқлаштирмоқчи

Ўзбекистон Республикаси Президенти вазифасини бажарувчи Шавкат Мирзиёев «Алкоголли маҳсулотлар билан чакана савдо қилиш қоидаларига ўзгартиш ва қўшимчалар киритиш тўғрисида»ги қарорни имзолади. Бу ҳақда "Diydoraziz" сайти хабар берди.

Эндиликда:

— савдо автоматлари орқали;

— болалар ўйинчоқлари, конфетлар ёки болалар ассортиментига кирувчи бошқа товарларни имитация қилувчи (шуларга ўхшатиб ишланган бўлса) алкоголли маҳсулотларни сотиш тақиқланади.

Бундан ташқари, савдо қилинаётган жойларда йигирма ёшга тўлмаган шахсларга уни сотишга йўл қўйилмаслиги, шунингдек алкоголли маҳсулотларнинг инсон соғлиғига зарарли таъсири тўғрисидаги огоҳлантирувчи ёзувлар бўлмаган ҳолларда;

алкоголли маҳсулотларнинг тарасида алкоголли маҳсулотларни истеъмол қилиш инсон соғлиғига зарарли таъсир қилиши тўғрисида матн ва (ёки) расм шаклидаги тиббий огоҳлантириш мавжуд бўлмаган ҳолларда ҳам уларни сотиш мумкин бўлмайди.

Яна бир қўшимчага кўра, «Алкоголли маҳсулотлар билан савдо қилаётган сотувчи йигирма ёшдан кичикроқ кўринган харидордан унинг ёшини тасдиқловчи ҳужжатни кўрсатишни талаб қилиши, ҳужжат мавжуд бўлмаган тақдирда эса алкоголли маҳсулот сотишни рад этиши шарт»

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru