Достон Убайдуллаевнинг армон бўлган орзуси Раҳматуллаевнинг концертида ушалди » Ўзбекистон янгиликлари – Zamin.uz

Достон Убайдуллаевнинг армон бўлган орзуси Раҳматуллаевнинг концертида ушалди

Достон Убайдуллаевнинг армон бўлган орзуси Раҳматуллаевнинг концертида ушалди

Айни кунларда “Истиқлол” санъат саройида Ўзбекистонда хизмат кўрсатган артист Улуғбек Раҳматуллаевнинг навбатдаги яккахон концерт дастури бўлиб ўтмоқда.

Хонанданинг концертини томоша қилиш ва уни қутлаш мақсадида кўплаб мухлислари қатори шоу-бизнеснинг таниқли вакиллари ҳам ташриф буюрмоқда. “Ниҳол” мукофоти совриндори Достон Убайдуллаев ҳам ҳамкасбининг концертига ташриф буюриб, Раҳматуллаевнинг онасига гул тақдим этди.

Айни ҳолат тасвирланган суратни Убайдуллаев ижтимоий тармоқлардаги шахсий саҳифасига жойлаштираркан, марҳум онасини хотирлади, ўз концертида онасига гул тақдим этиш насиб этмаганини айтди.

“Онам оламдан ўтиб кетганларига қарийб 23 йил бўлди. Яратган раҳматига олган бўлсин. Ўзим концерт берганимда, онам ёнимда бўлсалар, гул берсам, деган армоним бор эди. Бугун дўстим Улуғбек Раҳматуллаев менга бу имкониятни берди. Дўстимнинг онасига гул бердим ва бу орзум ушалди. Дўстимнинг онаси менинг ҳам онам эмасми...”, деб ёзади Достон Убайдуллаев.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru