Ойбек ва Нигоранинг тўйи ихчам ўтади, улар тўйдан кейин асал ойига бормайди » Ўзбекистон янгиликлари – Zamin.uz

Ойбек ва Нигоранинг тўйи ихчам ўтади, улар тўйдан кейин асал ойига бормайди

Хонандалар Ойбек ва Нигора 21 ноябрь бўладиган тўй маросимига тайёргарлик кўриш билан банд, деб ёзади «Суғдиёна» газетаси.

Foto: Instagram / @oybeknigora

Нигора тўй либоси танлашда роса иккиланаётганини маълум қилган бўлса, Ойбек тўёлди уй таъмирлаш ишларида усталар билан тенгма-тенг ишлаяпти.

«30 май куни яқин дўстимизнинг туғилган кунида турмуш қуриш ҳақида гап очилиб қолди. Яхши ният бўлган экан… Кейин иккимиз бу ҳақда гаплашдик, уйига ота-онамни юбордим. Қолгани ўзингизга маълум», — деди Ойбек.

Нигоранинг айтишича, Ойбекнинг уйидагилари келиши унинг оиласи учун кутилмаган воқеа бўлган. «Тўйимиз оддий, ихчам бўлишини истадим. Тўйдан кейин асал ойига бормаймиз», — дейди Ойбек.

Газета мухбирининг «Шунча йил журналистларнинг муносабатларингиз ҳақидаги саволларидан қочиб, ҳақиқатни сир тутганингиз сабаби нимада?», — деган саволига хонанда Ойбек шундай жавоб берди:

«Аҳду-паймон қилган бўлсак-да, бу ҳақида яқинларимизга айтмагандик. Биласиз, ўзбекчиликда бундай нарсаларни катталар билан ҳал қилиш керак. Ота-оналаримизнинг розилигини олмай, муносабатларимизни омма қилиш тўғри бўлмасди».

Хонанда Нигоранинг қўшимча қилишича, у келинлик хизматига тайёр. «Ҳамма нарса қўлимдан келади. Фақат таомнинг тузини шўрроқ ё камроқ қилиб қўйсам, айбга буюришмас. Билмаганимни ойижонимдан ўрганиб, намунали келин бўлишга ҳаракат қиламан», — деди Нигора.


Манба: Daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru