Кузга шарф танлаш қоидалари » Ўзбекистон янгиликлари – Zamin.uz

Кузга шарф танлаш қоидалари

Кузга шарф танлаш қоидалари

Шарф куз-қиш мавсумидаги энг урф бўладиган аксессуарлардан бири ҳисобланади. Уни деярли ҳар бир дизайнернинг тўпламида учратиш мумкин. Ҳақиқатда сифатли шарфни арзонга топиб бўлмайди, шу туфайли, битта, аммо яхши шарф сотиб олган маъқул. Хўш, сизга мукаммал тарзда мос тушувчи шарфни қандай танлаш мумкин?

Биринчи навбатда, шарф юз рангига мос бўлиши керак: рангпар қизларга оқиш-кўк рангли шарфлар мос келмайди. Аксинча, қорачадан келган бўлсангиз, ёрқин ва оппоқ рангларга эътибор қаратинг.

Шарф, шунингдек, бош кийим билан ҳам уйғунлашган бўлиши керак. Аслида шарф ва шапка бир хил жун матодан тайёрланган бўлиши керак. Аммо, агар шапка устки кийимга мос тарзда твид матодан қилинган бўлса, у ҳолда, шарф контраст рангда бўлиши керак. Агар бош кийим бўлмаса, шарфни қўлқопга мослаш лозим.

Шарф ола-була бўлса, ундаги бирорта ранг асосий кийим ранги билан бир хил бўлиши керак. Бундай шарфларни ранг-баранг кийимлар билан тақмаган маъқул.

Матога келсак, кашмири, твид ёки пахта толаси қўшилган жун матони танлаган яхши. Асосийси, синтетикадан узоқ юринг, чунки у ортиқча терлаб кетишга ва оқибатда тери зарарланишига олиб келади.

Манба: "daryo.uz"

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru