Мевали салат тайёрлаймиз » Ўзбекистон янгиликлари – Zamin.uz

Мевали салат тайёрлаймиз

Мевали салат тайёрлаймиз

Меваларни катталар ҳам кичиклар ҳам севиб истеъмол қилишади. Йилнинг қайси вақти бўлмасин, уйдаги бор мевалардан салат ҳам тайёрлашингиз мумкин. Бугун биз мевали салат тайёрлашнинг асосий рецептини эътиборингизга ҳавола қилмоқчимиз.

Масаллиқлар:
  • Мевали йогурт — 100-200 гр;
  • Қизил олма — 1 дона;
  • Банан — 1 дона;
  • Киви — 2 дона;
  • Мандарин — 1 дона;

Тайёрланиши:

Меваларни яхшилаб ювинг.

Банан, мандарин ва кивини арчинг, майда қилиб кубик шаклида тўғранг.

Тўғралган меваларни йогурт билан аралаштиринг.

Кичкина ликопчаларга қўйиб устини мандарин бўлакчаси билан безатинг.

Тайёр бўлган мевали десертни бирйўла дастурхонга тортишингиз мумкин.

Салат учун меваларнинг ҳар қандай туридан фойдаланишингиз мумкин. Йогурт ўрнига эса музқаймоқ ишлатсангиз ҳам бўлади. Ширинликни севадиганлар учун салат устига шоколад кукуни сепилса, янада мазали бўлади.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru