GM Uzbekistan gaz ballonlarini avtomobil egasining buyurtmasiga ko‘ra o‘rnatishini ma’lum qildi

“O‘zavtosanoat” kompaniyasi matbuot xizmati ba’zi OAVlarda bu yilning oktyabr oyidan “GM Uzbekistan” avtomobil zavodida avtomobillar gaz ballonlar bilan chiqarilishi haqida paydo bo‘lgan xabarga izoh berib o‘tdi, deb yozmoqda Kun.uz.

“Bu ma’lumot haqiqatga uncha to‘g‘ri kelmaydi. Aslida, gaz ballon qurilmasi dilerlik markazlarida avtomobil sotib olishni rasmiylashtirayotgan paytda bu qurilmalarni o‘rnatish istagini bildirgan mijozlarning avtomobillariga o‘rnatiladi. Zavodda o‘rnatilgan gaz ballon qurilmasiga kafolat beriladi”, deb aytilmoqda xabarda. “Zamin” yangiliklarini “Youtube”da kuzatib boring