Forbes jurnali tomonidan 2 mart kuni e’lon qilingan jahonning eng badavlat odamlari reytingida kelib chiqishi O‘zbekistondan bo‘lgan rossiyalik milliarder Alisher Usmonov 71-o‘rinni egalladi.
Jurnal tomonidan Usmonovning boyligi 14,5 milliard dollarga baholangan bo‘lib, USM Holdings’ning asosiy aksiyadori xalqaro reytingga kirgan 85 nafar rossiyalik milliarder orasida uchinchi bo‘lib turibdi.
Qayd etish joiz, Forbes’ning 2011-2014 yillardagi reytinglarida Alisher Usmonov muntazam ravishda Rossiyaning eng boy odami deb topilgandi. 2015 yilgi reytingda esa rossiyaliklar orasida “Interros” xoldingi prezidenti Vladimir Potanin 14,8 milliard dollarli boylik bilan birinchi bo‘lib turibdi (xalqaro reytingda 60-o‘rinda).
Eng boy rossiyaliklar o‘nligidan, shuningdek, “Alfa-grupp” kuzatuv kengashi raisi Mixail Fridman (18,7 milliard dollar, 68-o‘rin), “Renova” guruhi asosichilaridan biri Viktor Vekselberg (14,2 milliard dollar, 73-o‘rin), “Severstal” bosh direktori Aleksey Mordashev (13 milliard dollar, 89-o‘rin), “Lukoyl” prezidenti Vagit Alekperov (12,2 milliard), “Novatek” asoschilaridan biri Leonid Mixelson (11,7 milliard), “NLMK” egasi Vladimir Lisin (11,6 milliard), Volga Resources Group asosiy aksiyadori Gennadiy Timchenko (10,7 milliard) va “Oneksim” guruhi egasi Mixail Proxorov (9,9 milliard) bormoqda.
Forbes talqini bo‘yicha milliarderlarning global reytingida Microsoft asoschilaridan biri Bill Geyts birinchi bo‘ldi. Uning boyligi 79,3 milliard dollarga baholandi. Sayyoraning eng boy odamlari uchligidan, shuningdek, meksikalik Karlos Slim (76,4 milliard) va amerikalik Uorren Baffet (72,3 milliard) o‘rin olgan.
Manba: www.kun.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskvadagi terakt bo‘yicha yana uch kishi ushlandi
Rossiya qo‘shinlari Avdeyevkadagi ikkita qishloqni egallab oldi
AQSH rasmiylari: Millionlab amerikaliklar xitoylik hakerlar hujumiga uchragan
AQSH politsiyachilarining «aqlli qarori» Legoga ma’qul kelmadi
Erdo‘g‘on terrorchilar haqida keskin gapirdi
Rossiya Ukrainaning harbiy dron yig‘uv inshootlarini yo‘q qildi
AQSH elchisi: “Rossiya Ukraina poytaxtiga gipertovushli raketalar bilan zarba berdi”
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi