10-01-2017 | 09:27 ZAMIN.UZ / Jamiyat / 10 yanvar 2017 yil
328

Qizi olib qo‘yilgan o‘zbekistonlik ayolning ishi qayta tergov qilishga qaytarildi

Қизи олиб қўйилган ўзбекистонлик аёлнинг иши қайта тергов қилишга қайтарилди

Moskva shahrining Kunsevo sudi huquq-tartibot muassasalari bir yoshli qizini tortib olgan o‘zbekistonlik ayol Nilufar Mamasaidovaning Rossiyadan deportatsiya qilinishi ishi materiallarini politsiyaga qaytarib berdi. Bu haqda RIA “Novosti” agentligiga asoslanib Kun.uz sayti xabar berdi.

"Sud materiallarni yetarlicha hajmdagi isbotlar yo‘qligi sababli politsiyaga qaytarib berdi", deb aytdi sud matbuot kotibi.

Avvalroq OAVda Moskva ichki ishlar boshqarmasining "Kunsevo" bo‘limi xodimlari dekabr oxirida Mamasaidovaning yashash manzili bo‘yicha kelib, uning qizini ayolda shaxsini tasdiqlovchi hujjatlar yo‘qligiga asoslanib olib ketishgani haqidagi ma’lumot paydo bo‘lgandi.

O‘z navbatida, Moskva ichki ishlar boshqarmasi matbuot xizmatida politsiya xodimlari qizchani olib ketishmagani, u yuqori harorat bilan shifoxonaga yotqazilgani ma’lum qilingan.

Rossiya prezidenti huzuridagi bolalar huquqlari bo‘yicha vakil Anna Kuznetsova o‘zbekistonlik ayolga farzandini qaytarib berish uchun barcha sharoitlarni yaratish zarurligini aytgandi. Uning aytishicha, hozirda qizcha yuqumli kasalliklar shifoxonasida yotibdi va uning onasi hujjatlarni rasmiylashtirgandan keyin uning yoniga tashrif buyurishi mumkin.


Zamin.uz ning Telegram’dagi rasmiy kanaliga obuna bo‘lib, yangiliklardan xabardor bo‘ling.

Reyting:
  • Dislike
  • 0
  • Like
Havola:
Рейтинг@Mail.ru