Shanba kuni Evropa chempionatida o‘tkazilgan uchrashuvlarda urilgan eng chiroyli gollar saralandi. Xususan, "MYu" futbolchilarining kombinasion goli, "Lester"ning javob goli hamda O‘zil va Sanchesning bir-birini tushunish bo‘yicha ko‘rsatib bergan "mahorat darsi".
Xuan Mata, «Manchester Yunayted»
(«Manchester Yunayted» — «Lester» — 4:1, 37-daqiqa – 2:0)
Yoki «Manchester Yunayted» kichik inqirozdan chiqdi, yoki «Lester» ayni vaqtda raqobatbardosh jamoa emas, ammo «Old Trafford»da shu kuni faqat bir jamoa o‘ynadi: «qizil iblislar» «tulkilar» darvozasini 4 marta ishg‘ol qilishdi, gollardan 3tasi burchakdan to‘pni o‘yinga kiritish orqali. Faqat birgina gol bundan mustasno. Xuan Mata hisobiga yozilgan gol Pogba va Lingard hamkorligida "uchtalik" o‘ynash orqali yuzaga keldi.
Demaray Grey
(«Manchester Yunayted» — «Lester» — 4:1, 60-daqiqa – 4:1)
«Lester» bu uchrashuvda uddalay olgan yagona ish — Demaray Greyning qanotdan oshirilgan to‘pni darvozaning yuqori "to‘qqiztaligi"ga yo‘llash orqali javob golini urishi bo‘ldi.
Mesut O‘zil, «Arsenal»
[media=https://youtu.be/L_vCGBbycHI]
(«Arsenal» — «Chelsi» — 3:0, 40-daqiqa – 3:0)
Shu kuni ko‘k libosda o‘ynagan yana bir jamoa maydondan bosh egib chiqdi. «Arsenal» o‘yinning boshidan oxirigacha «Chelsi»ni himoyaga qamadi. Ayniqsa, «kanonirlar»ning uchinchi goli uchrashuv bezagi bo‘ldi — Sanches va O‘zil o‘zaro tushunishning a’lo namunasini ko‘rsatib berishdi.
Fyodor Smolov, «Krasnodar»
[media=https://youtu.be/AYGnL-3GETY]
(SSKA — «Krasnodar» — 1:1, 15-daqiqa – 1:1)
Fyodor Smolov to‘purarlik salohiyatini namoyish etishda davom etmoqda. SSKA bilan o‘yinda «Krasnodar» hujumchisi to‘p uchun kurashda Sergey Ignashevichdan ustun kelib, to‘pni darvoza to‘riga yo‘lladi. Endilikda Fyodor hisobida chempionatning 8 turidan keyin 8 gol bor.
Rahim Sterling, «Manchester Siti»
[media=https://youtu.be/Jv6k9rs8NOA]
(«Suonsi» — «Manchester Siti» — 1:3, 77-daqiqa – 1:3)
«Man Siti» g‘alabali seriyani davom ettirmoqda. «Shaharliklar»ning yo‘lidan bu safar «Suonsi» chiqib qoldi. Rahim Sterling saviya borasidagi farqni yaqqol namoyish etib berdi, u o‘z fintlari bilan raqib himoyasii buzib tashlab darvozani ishg‘ol etdi.
Adam Lallana, «Liverpul»
[media=https://youtu.be/2otw0AwSTxU]
(«Liverpul» — «Hall Siti» — 4:1, 17-daqiqa – 1:0)
«Liverpul» futbolchisi Adam Lallana o‘z mahoratini namoyish etib, «Hall»ga qarshi o‘yinda hisobni ochdi.
Filipe Koutino, «Liverpul»
[media=https://youtu.be/_i_vdKJHeSM]
(«Liverpul» — «Hall Siti» — 4:1, 52-daqiqa – 4:1)
Filipe Koutino o‘yindagi yakuniy natijani raqib jarima maydonchasidan tashqaridan berilgan o‘ziga xos zarbasi bilan o‘rnatdi.
Manba: Kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi