11-01-2017 | 07:31 ZAMIN.UZ / Sport / 11 yanvar 2017 yil
213

Krishtianu Ronaldu o‘zini jahon futbolining bir qismi deb atadi

Криштиану Роналду ўзини жаҳон футболининг бир қисми деб атади

«Real» va Portugaliya terma jamoasi hujumchisi Krishtianu Ronaldu o‘zini jahon futbolining bir qismiga aylangan deb hisoblay boshladi.

Dushanba oqshomida Ronaldu FIFA talqini bo‘yicha 2016 yilning eng yaxshi futbolchisi sifatida taqdirlandi.

«Menda shubha yo‘qki, men endi jahon futboli tarixining bir qismiman. Bu mening maqsadim edi. Men futbol o‘ynashni boshlaganimdayoq – shunchaki futbolchi bo‘lishni emas, dunyoning eng zo‘r futbolchisi bo‘lishni maqsad qilib qo‘ygandim. Buni uddaladim - sovrinlar, rekordlar, individual mukofotlar shundan guvohlik bermoqda", - deya Ronaldudan iqtibos keltirgan FIFA rasmiy sayti.

Portugaliyalik futbolchi shuningdek, kelgusida o‘zini murabbiy sifatida ko‘rmasligi va Portugaliya terma jamoasi bilan 2017 yilda Rossiyada bo‘lib o‘tadigan Konfederatsiyalar Kubogida zafar qozonmoqchi ekani haqida gapirib o‘tgan.

«Hech qachon hech qachon demang. Men kelgusida nimalar bo‘lishini bilmayman, ammo ayni vaqtda men o‘zimni murabbiy sifatida ko‘rmayapman», -degan Ronaldu.

Krishtianu Ronaldu 2016 yil hisobidan 4ta jamoaviy va 10ta individual mukofotga sazovor bo‘ldi.


Zamin.uz ning Telegram’dagi rasmiy kanaliga obuna bo‘lib, yangiliklardan xabardor bo‘ling.

Reyting:
  • Dislike
  • 0
  • Like
Havola:
Рейтинг@Mail.ru