13:24 / 12.03.2015
6 981

«O‘zbektelekom» Toshkentda IP/MPLS tarmog‘i tezligini 100 Gbit/soniyaga etkazadi

«O‘zbektelekom» Toshkentda IP/MPLS tarmog‘i tezligini 100 Gbit/soniyaga etkazadi

«O‘zbektelekom» aksiyadorlik kompaniyasi Xitoyning Huawei kompaniyasi bilan hamkorlikda «TShTT» filiali IP/MPLS tarmog‘ini DWDM yangi transport tarmog‘i bazasida tezlikni magistral darajada 100 Gbit/soniyagacha ko‘tarib, modernizasiya qilish bo‘yicha ishlarni amalga oshirdi. Yangi tarmoq Toshkent shahrining barcha tumanlarini yuqori tezlikdagi optik kanallar bilan birlashtirdi, deb xabar bermoqda kompaniya rasmiy sayti.

Ta’kidlash zarurki, bu O‘zbekiston Respublikasida 100 Gbit/soniyagacha tezlikda ishlaydigan dastlabki IP/MPLS tarmog‘idir.

Mazkur loyiha ma’lumotlar uzatish magistral tarmog‘ining o‘tkazish qobiliyatini o‘n martadan ortiq kengaytirdi, bu Toshkent shahri foydalanuvchilarining turli xizmatlarga ishonchli va yuqori sifatli ulanishini ta’minlaydi. Bu yuqori tezlikdagi Internet, video telefoniya, IP-TV, Telecom TV, HDTV-kanallarni tomosha qilish va boshqa shu kabi konvergent xizmatlarni taqdim etishni rivojlantirish imkonini beradi. Mazkur IPG MPLS tarmog‘i bazasida boshqa loyihalar ham amalga oshiriladi, xususan:

  • O‘zbekiston mobil aloqasi milliy operatori uchun − UzMobile GSM tarmog‘ini qurish;
  • FTTx texnologiyasi bo‘yicha passiv optik tarmog‘ini qurish;
  • FTTB texnologiyasi bo‘yicha optik ulanish tarmog‘ini kengaytirish.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Texno » «O‘zbektelekom» Toshkentda IP/MPLS tarmog‘i tezligini 100 Gbit/soniyaga etkazadi