Axborot texnologiyalari kommunikasiyalarini rivojlantirish vazirligi tarkibidagi Kompyuter va axborot texnologiyalarini rivojlantirish va joriy etish markaziga (UzInfocom) Husan Isaev rahbar etib tayinlandi. Markaz blogida xabar qilinishicha, 7 noyabr kuni axborot texnologiyalari va kommunikasiyalarini rivojlantirish vaziri Xurshid Mirzohidov jamoaga yangi direktorni tanishtirgan.
Husan Isaev (1972 yil tug‘ilgan) 2014 yil martidan «Elektron hukumat» tizimini rivojlantirish markazi direktori o‘rinbosari lavozimida ishlab kelayotgan edi.
U Toshkent aloqa elektrotexnika institutini (2000 yil) telekommunikasiya, Prezident huzuridagi Davlat va jamiyat qurilish akademiyasi Oliy biznes maktabini menejment yo‘nalishida (2006 yil) tamomlagan.
Mehnat faoliyatini 1993 yilda elektromexanik lavozimida boshlagan. Turli yillarda «O‘zbektelekom» kompaniyasida bo‘lim boshlig‘i, O‘zbekiston Aloqa va axborotlashtirish agentligi bosh direktori yordamchisi, bosh vazir o‘rinbosari yordamchisi, O‘zAAA lisenziyalash va standartlashtirish bo‘limi boshlig‘i hamda Aloqa, axborotlashtirish va telekommunikasion texnologiyalar davlat qo‘mitasi lisenziyalash va lisenzion shartnomalar ijrosini tahlil qilish bo‘limi boshlig‘i lavozimlarida faoliyat ko‘rsatgan.
U UzInfocom markaziga 2015 yilning martidan buyon rahbarlik qilib kelgan G‘ayratxo‘ja Saydaliev o‘rnini egalladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
AQSHning Suriyadagi harbiy bazasiga raketalar hujum qildi
Futzal. Osiyo Kubogi. Tojikiston Yaponiyani guruhda qoldirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyaning Knauf kompaniyasi Rossiyadan butunlay chiqib ketishini tasdiqladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Damas uchun onlayn kontraktatsiya ochiladi
Shveysariya prezidenti Putinga maktub yo‘lladi
