11:20 / 07.01.2017
7 803

Fevral oyida Qozog‘iston, Qirg‘iziston va O‘zbekistonni bog‘lovchi yo‘l ochiladi

1998 yilda yopib qo‘yilgan, Qozog‘istonning Jambil, Olmaota va Janubiy-Qozog‘iston viloyatlari hududi bo‘ylab o‘tib, O‘zbekistonning Toshkent, Jizzax va Samarqand viloyatlarida davom etgan M-39 trassasi yana ochilishi rejalashtirilmoqda. Kun.uz sayti yozishicha, bu haqda Janubiy-Qozog‘iston viloyati rahbarining O‘zbekiston delegasiyasi vakillari bilan uchrashuvi vaqtida aytilgan.
Fevral oyida Qozog‘iston, Qirg‘iziston va O‘zbekistonni bog‘lovchi yo‘l ochiladi

O‘zbekiston TIVning alohida masalalar bo‘yicha elchisi Ilhom Ne’matov bilan muzokaralar yakunida ushbu yo‘lni shu yilning fevral oyida ochishga kelishib olingan.

"Hozirda bu yo‘l yopiqligi tufayli odamlar Samarqandga borishda 70 kilometr ko‘p masofa bosmoqda. Shuning uchun biz yo‘lda harakatni tiklashga qaror qildik, bu orqali aholiga va mamlakatimiz mehmonlariga qulaylik yaratiladi",- degan o‘z intervyusida Ilhom Ne’matov.

Eslatib o‘tamiz, o‘tgan yilning oktyabrida Janubiy-Qozog‘iston hokimi Jonsaid Tu­ymeboyev O‘zbekiston bosh vaziri o‘rinbosari Ulug‘bek Ro‘ziqulov bilan uchrashuv o‘tkazgandi. Muzokaralar davomida ikki mamlakat o‘rtasida tovar ayirboshlash hajmini oshirishga kelishib olingandi. Bu kelishuv doirasida ikki mamlakat chegarasida savdo hududi tashkil qilish ham nazarda tutilgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » O‘zbekiston » Fevral oyida Qozog‘iston, Qirg‘iziston va O‘zbekistonni bog‘lovchi yo‘l ochiladi