10:53 / 08.09.2016
8 792

Apple тақдимоти: қора корпусли iPhone, сувга чидамли соатлар ва бошқа асосий янгиликлар

Apple тақдимоти: қора корпусли iPhone, сувга чидамли соатлар ва бошқа асосий янгиликлар

Янги iPhone 7’нинг иккита камерага эга бўлиши ҳақидаги миш-мишлар — айни ҳақиқат! Қурилма дизайни янада ихчамлашган.

Apple корпус ишлаб чиқаришнинг янги технологияси билан алоҳида мақтаниб ўтди, деб ёзмоқда "Кун" нашри. Алюминий энди шишадан фарқ қилмайди, шунингдек, сиз иккита янги рангни учратишингиз мумкин - қора ва қора оникс.

«Home» тугмаси жиддий ўзгаришни бошдан кечирди. У эндиликда бармоқ кучини сеза олади. Унда Taptic Engine механизми ўрнатилган.

iPhone 7 Plusнинг иккита 12 мегапикселли камераси 10 каррали оптик катталаштиришга, фото учун объективлар кенгбурчакли тасвирга эга.

iPhone 7 камераси 12 мегапикселли сенсор ва суратни оптик мувофиқлаштиришга эга бўлди. Суратлар янги iP7чипи орқали таҳрирланади ва чипнинг ўзи керакли ёруғлик ва рангларни танлаб беради.

Янги айфонларда 3,5 мм,ли тешик йўқлиги сабабли компания симсиз қулоқчинларни тақдим этди. Air Pods компаниянинг исталган қурилмасида iCloud орқали ишлай олади.

Air Podsни Siri овоз ёрдамчиси орқали бошқариш мумкин. Қурилма шунингдек, суҳбатлар учун микрофон вазифасини ҳам ўтайди.

Air Pods ўз кейсига эга бўлиб, у бир вақтнинг ўзида ундан қувват олади. Қулоқчиларнинг бир заряди 5 соатга етиши мумкин.

Одатий қулоқчинларни янги қурилмага смартфонлар тўпламига кирувчи улагич билан улаш мумкин.

Apple Watch билан эндиликда сувга қўрқмай тушиш мумкин. Унинг янги хусусияти ҳам — сувга чидамлилиги. Муҳандислар унинг герметик корпуси устида тинимсиз меҳнат қилишига тўғри келди.

Apple янги харидорлар орасида энди сузувчилар ҳам бўлишига ишонмоқда. Бунинг учун соатни бир кун давомида сувда ушлаб туришди.

Apple Watch Series 2 янги тасмаларга эга бўлди. Улар корпорациянинг анъанавий ҳамкори Hermes томонидан ишлаб чиқарилган.

Янги Apple Watch соатларида саломатлик ва фитнес учун кўплаб фойдали дастурлар пайдо бўлади. Шунингдек, уларда «Pokemon Go» ўйинини ҳам ўйнаш мумкин.

Эндиликда нафақат алюминий ва пўлат, балки керамик корпусли соатлар ҳам бор.

Соатларга икки ядроли S2 процессори ва график чип ўрнатилган. Apple Watch ички GPS билан таъминланди.

Яна бир яхши янгилик: Nintendo афсонавий ўйинлари, жумладан, Марио ўйинни AppStore'да учратиш мумкин. «Super Mario Run» ўйини шу йили Янги йил арафасида чиқади ва сотилади. iMessage учун махсус Марио стикерлари ҳам ваъда қилинмоқда.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Apple тақдимоти: қора корпусли iPhone, сувга чидамли соатлар ва бошқа асосий янгиликлар