Ўзбекистон Республикасининг сайланган Президенти Шавкат Мирзиёев номига Россия Федерацияси Президенти Владимир Путин номидан табрик мактуби келди. Унда шундай дейилади:
Ўзбекистон Республикасининг
cайланган Президенти
Шавкат Мирзиёев Жаноби Олийларига
Ҳурматли Шавкат Миромонович, Ўзбекистон Республикаси Президенти лавозимига сайланишингиз муносабати билан самимий қутловларимизни қабул қилгайсиз.
Сайловдаги ишончли ғалабангиз Сизнинг ватандошларингиз орасидаги юксак обрў-эътиборингиздан, мамлакатни ижтимоий-иқтисодий ривожлантиришнинг долзарб вазифаларини ҳал этишдаги хизматларингиз кенг кўламда эътироф этилганидан далолатдир.
Россияда Сизни давлатларимиз ўртасидаги дўстона муносабатларни ривожлантиришнинг қатъий тарафдори, деб биладилар. Ишончим комилки, биз биргаликдаги саъй-ҳаракатларимиз билан икки томонлама стратегик шериклик ва иттифоқчиликни бундан буён ҳам мустаҳкамлаб, минтақавий ва халқаро масалаларда конструктив ҳамкорликни кенгайтираверамиз. Бу эса мамлакатларимиз биродар халқларининг туб манфаатларига мос келади, Марказий Осиёда ҳамда бутун Мустақил Давлатлар Ҳамдўстлиги маконида барқарорлик ва хавфсизликни таъминлаш имконини беради.
Муҳтарам Шавкат Миромонович, Сизга чин қалбдан мустаҳкам соғлик, фаровонлик ва давлат раҳбари сифатидаги ғоят масъулиятли фаолиятингизда муваффақиятлар тилайман.
Фурсатдан фойдаланиб, Сизни ўзингиз учун қулай вақтда Россияга ташриф буюришга таклиф қиламан.
Эҳтиром билан,
Владимир Путин,
Россия Федерацияси Президенти. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Бизнес имкониятингизни кенгайтиринг
Нега Трамп Зеленскийни ёмон кўради?
Сирдарёда бюджетга жуда кўп миқдорда зарар етказган майнинг ферма аниқланди
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди