Белни бақувват қилувчи 6 та машқ » Ўзбекистон янгиликлари – Zamin.uz
06-05-2016 | 06:33 ZAMIN.UZ / Жамият / 06 Май 2016 года
1 876

Белни бақувват қилувчи 6 та машқ

 Белни бақувват қилувчи 6 та машқ

Офис шароитида муттасил ишлаш, ҳар қандай кишининг соғлиғига маълум маънода путур етказиши мумкин. Бунда, асосан, умуртқа зарар кўради. Кўп ёки нотўғри ўтириш умуртқа билан боғлиқ турли касалликларни келтириб чиқариши мумкин. Аммо бу каби кўнгилсизликларга тушиб қолмасликнинг йўллари бор ва бу жуда оддий. Турли жисмоний машқлар бел, умуртқа ва куракларни бақувватлаштириб борса бўлади. Қуйида ана шундай машқлардан энг яхши самара берувчи олтитаси ҳақида сўз юритилади.

1. Тиззалаган ҳолда гантел кўтариш
 Белни бақувват қилувчи 6 та машқ

Гантелни ўнг қўлингизга олинг. Чап оёғингизнинг тиззасини буклаган ҳолда ўриндиққа мослашиб олинг ва танангизни бироз эгган ҳолда чап қўлингиз билан уни кўтариб туринг. Чуқур нафас олиб, гантелни юқорига кўтаринг. Икки сониядан сўнг нафас чиқариб, гантелни секин-аста пастга туширинг. Барча ҳаракатларни елка ва бел мушаклари ёрдамида бажаринг.

2. Қўлларни ортга ва орқага кўтариш
 Белни бақувват қилувчи 6 та машқ

Тиззаларни бироз буккан ҳолда, ортга энгашинг, аммо бел тик бўлиши керак. Шу ҳолатда қўлларни ортга тисалтиринг ва имкон қадар ушлаб туринг. Сўнг яна аввалги ҳолатга қайтинг.

3. Тортилиш
 Белни бақувват қилувчи 6 та машқ

Бу бел учун жуда катта самара берувчи машқдир. Уни бажариш учун турник бўлса, кифоя. Турникда тўлиқ чўзилган ҳолатда, хотиржам осилинг. Сўнгра имкон қадар юқори, иложи бўлса, иякдан баланд тортилинг. Тортилиш вақтида қўлларингизни қанчалик кенг ушлаб олсангиз, бел мушаклари шунчалик мустаҳкамланади.

4. Қорин билан ётган ҳолатда машқ бажариш
 Белни бақувват қилувчи 6 та машқ

Қорнингиз билан ётиб олинг ва тананинг олд қисмини қўлларингизни тўғрига чўзган ҳолда кўтаринг. Шундан сўнг, қўлларингизни жуфтлаштиринг. Қўллар тирсакдан юқори ҳолатда турган бўлиши керак. Нафас чиқарган ҳолатда қўлларни пастга туширинг ва шу машқни яна давом эттиринг.

5. Тирсаклар ёрдамида машқ
 Белни бақувват қилувчи 6 та машқ

Қорин билан ётган ҳолатда бармоқларни бошнинг орқа қисмига бирлаштиринг. Нафас олган ҳолда тананинг олди қисмини имкон қадар юқори кўтаринг. 1-2 сониядан сўнг нафас чиқарган ҳолда танани пастга туширинг.

6. Штанга ёрдамида машқ
 Белни бақувват қилувчи 6 та машқ

Бу машқни “хайрли тонг” деб ҳам номлашади. Бўш штангани олинг ва уни елкаларингизга жойлаштиринг. Чуқур нафас олинг ва бўксани орқага чекинтириб, тўғри ҳолатда олдинга энгашинг. Ва яна олдинги ҳолатингизга қайтинг. Машқни шу тарзда давом эттиринг.

Манба: Кун.уз

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru