Аёлнинг ҳеч қачон эркакка айтмаслиги лозим бўлган гаплари » Ўзбекистон янгиликлари – Zamin.uz
13-05-2016 | 00:01 ZAMIN.UZ / Жамият / 13 Май 2016 года
1 763

Аёлнинг ҳеч қачон эркакка айтмаслиги лозим бўлган гаплари

Аёлнинг ҳеч қачон эркакка айтмаслиги лозим бўлган гаплари

Эркак ва аёл ўртасида айтилиши тақиқланган гаплар у даражада кўп эмас, севган инсонингизга айнан қайси гапни айтиш қатъиян ман этилганини биласизми? Унда танишинг, “Аif.ru” нашри сизни улар билан таништиради, дейилади "Даракчи" нашрида.

1. Ҳеч қачон илгари ёқтирган одамингиз ҳақида сўз очманг

Ҳеч қачон севган одамингизга биринчи муҳаббатингз, илгари кимнидир ёқтирганингиз ҳақида гапирманг. Ҳар доим “фақат сизни севганман, сиздан бошқа ҳеч ким менда бундай таассурот уйғотмаган” деб айтишдан чарчаманг. Эркак киши эшитган нарсасини унутиб юбормайди, унга ишониб айтган гапингиз ўзингизга қарши ишлатилиши мумкин. Шу билан бирга унга “Мендан олдин кимни севгансиз?”, “У қанақа эди?” деган саволларни берманг. Қанча кам билсангиз, шунча хотиржам ухлайсиз.

2. Унинг обрўсини тўкиб, ерга урманг

Эркак шаънига тегадиган гапларни гапиришдан тилингизни тийинг. Жанжаллашган пайтларда унинг жаҳлини чиқариш учун оғзингизга келган гапни гапиришдан тийилинг. У сизга буни айтмаса-да, ҳеч қачон гапларингизни унутмайди. Буни камчилик сифатида қабул қилиб, ўзида айнан сизнинг ҳақоратларингиз асосидаги хусусиятларни дунёга келтиради.

3. “Хиёнат қилдим” деб алдаманг

Севган инсонингизнинг жаҳлини чиқариш, рашк қилдириш учун “хиёнат қилдим” деб алдаманг. Эркак киши сизнинг ёлғонларингизга ишониши мумкин. У ҳеч қачон хиёнатни кечирмайди, унутмайди. Келажакда рўй берадиган арзимас жанжалда ҳам сизга тез-тез “хиёнаткорлигингизни” эслатиб туради.

4.Онаси ҳақида ёмон гап гапирманг

Бу ҳам тақиқланган мавзулардан биридир. Қайнонагиз билан муносабатларингиз қанчалик ёмон даражада бўлмасин, бу ҳақда эрингизга билдирманг. Унинг ўзи онасини ёмонлаган тақдирда ҳам сиз қўшилманг, бунга сизнинг ҳаққингиз йўқ.

5. Ҳадеб нолийверманг

Аёл қанчалик кўп нолиб, шикоят қилаверадиган бўлса, эркак ундан узоқлашиб бораверади. Ҳамма нарсанинг ўз ўрни ва жойи бор. Агар гапингиз ичингизга сиғмай кетаётган бўлса, эрингизга бир марта гапириб кўринг. Ҳар куни ярага туз сепиб, минғирлагандан кўра, бир марта қаттиқ гапирган афзал. Шунда ҳам эрингизнинг қорни тўқ, ишдан чарчаб келмаган пайтда гап бошланг. Ўзингизга ёқмаган ҳолатни, бақирмасдан, хотиржам оҳангда тушунтиришга ҳаракат қилинг. Дипломат бўлишга интилинг.

6.Эркакни кам пул топишда айбламанг

Эркакка “Сиз бўшанг, латтасиз! Шунинг учун топиш-тутишингизнинг тайини йўқ”, деган гапларни айтишдан ўзингизни тийинг. Агар бутун рўзғор ташвиши аёлнинг бўйнида бўлса, бунга унинг ўзи айбдор. Аёл тўйдан илгари кимга турмушга чиқаётганини яхши билган, бу ерда эркакнинг айби йўқ. Жанжал-тўполон билан эркакни суперқаҳрамонга айлантиришнинг иложи йўқ. Бекорга халқимиз “Эрни эр қиладиган ҳам хотин, қора ер қиладиган хотин” демаган. Вазиятни ётиғи билан тушунтириб, у билан бирга қарор қабул қилишга ҳаракат қилинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru