Инсон бошини кўчириб ўтказиш бўйича дунёдаги илк операция Германияда бўлиб ўтади » Ўзбекистон янгиликлари – Zamin.uz
07-06-2016 | 23:11 ZAMIN.UZ / Жамият / 07 Июн 2016 года
732

Инсон бошини кўчириб ўтказиш бўйича дунёдаги илк операция Германияда бўлиб ўтади

 Инсон бошини кўчириб ўтказиш бўйича дунёдаги илк операция Германияда бўлиб ўтади

Таниқли италиялик нейрохирург Сержио Канаверо россиялик Валерий Спиридоновнинг бошини кўчириб ўтказиш операциясини Германияда ўтказиши ҳақида маълум қилди, дейилади "Кун" нашрида.

Daily Star нашри хабарига кўра, Канаверо Франция ва Буюк Британияда ҳам бу операция учун етарли шароитлар ва тиббий технологиялар мавжудлигини, лекин у Германияга мурожаат қилганини билдирган.

У ҳозирча Германиядаги айнан қайси шифохонада операцияни ўтказиш масаласини ҳал қилмаган.

2015 йил февраль ойида италиялик нейрохирург инсон бошини кўчириб ўтказиш бўйича илк операцияни 2017 йилда амалга оширишни режалаштираётганини маълум қилган эди. Бел мушаклари атрофиясидан азият чекувчи Спиридонов шифокор билан Skype орқали мулоқотда бўлган. Ушбу касаллик билан оғриган болаларнинг 50 фоизи 1 ёшдан ошмаслиги айтилади, бироқ Спиридонов 31 га кирган ва олий маълумот олиши ҳам мумкин.
 Инсон бошини кўчириб ўтказиш бўйича дунёдаги илк операция Германияда бўлиб ўтади

Валерий Спиридонов ўз бошини донор танага кўчириб ўтказишга рози бўлган. У операция учун махсус жамғарма очган бўлиб, шу йўл билан амалиёт учун маблағ йиғилмоқда.

Операция 36 соат давом этиши кутилмоқда.
 Инсон бошини кўчириб ўтказиш бўйича дунёдаги илк операция Германияда бўлиб ўтади

Амалиётда 42 нафар жарроҳ иштирок этиши лозим бўлади. Улар бошни кўчириш давомида кун бўйи, бир-бирини алмаштирган ҳолда ишлайди. Тиббиёт ходимларга тўланадиган ҳақ 5 миллион еврога етиши мумкин.

Канаверо билан бирга операцияни хитойлик жарроҳ Рен Сяопин олиб боради.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru