09:10 / 21.09.2016
6 531

Париждаги “IFTM Top Resa – 2016” кўргазмаси иштирокчилари Ўзбекистонга катта қизиқиш билдиришмоқда

Париждаги “IFTM Top Resa – 2016” кўргазмаси иштирокчилари Ўзбекистонга катта қизиқиш билдиришмоқда

20 сентябрь куни Париж шаҳрида “IFTM Top Resa – 2016” халқаро сайёҳлик кўргазмаси очилди. Унда Ўзбекистоннинг сайёҳлик салоҳияти кенг намойиш этилмоқда. "Кун" нашри бу ҳақида хабар берди.

Ўзбекистон Республикасининг Биринчи Президенти Ислом Каримов бошчилигида туризм соҳасини ривожлантиришга доир амалга оширилган изчил ислоҳотлар натижасида мамлакатимизда ички ва халқаро туризм тобора кенгайиб, сайёҳлик оламининг янги йўналишлари кашф этилди. Мамлакатимиздаги тинчлик ва барқарорлик, ўзбекона меҳмондўстлик, замонавий туризм инфратузилмаси ҳамда дам олиш масканларида йўлга қўйилган юксак сифатли хизматлар сайёҳларни ўзига жалб қилиб келмоқда.

“IFTM Top Resa” - дунёдаги энг йирик ва нуфузли халқаро кўргазмалардан бири. Жорий йилда ушбу кўргазмада АҚШ, Австрия, Бельгия, Буюк Британия, Германия, Бразилия, Россия, Беларусь, Вьетнам, Ҳиндистон, Исроил, Эрон ва бошқа мамлакатлардан 1500дан зиёд сайёҳлик фирма ва компаниялари ўз хизматларини таклиф этмоқда. Кўргазма сайёҳлик саноатининг барча замонавий йўналишларини ўзида жамлаган.

Франция пойтахтидаги “Porte de Versailles” кўргазмалар залида ўтказилаётган нуфузли туризм форумидан жой олган “Ўзбекистон” миллий стенди ўзига хос кўркам дизайни, безаклари ва мазмунан бойлиги билан иштирокчилар эътиборини тортмоқда. Унда мамлакатимиз тарихий обидалари, халқимизнинг миллий анъана ва қадриятлари акс эттирилган. Самарқанд, Бухоро, Хива, Шаҳрисабз ва Тошкент шаҳарларининг диққатга сазовор жойларига оид ранг-баранг маълумотлар, халқ ҳунармандчилиги буюмлари ярмарка иштирокчиларида катта қизиқиш уйғотмоқда.

Мазкур халқаро кўргазма жаҳон ҳамжамиятини мамлакатимиз сайёҳлик саноати имкониятлари билан кенг таништириш, хорижнинг сайёҳлик компаниялари билан ўзаро ҳамкорлик алоқаларини мустаҳкамлаш, икки ва кўп томонлама манфаатли шартномалар тузиш, сайёҳлик бизнес ривожининг тенденцияларини аниқлаш, жаҳон сайёҳлик бозоридаги янгиликлар ва ўзгаришлар билан яқиндан танишиш ҳамда бу борада ўзаро фикр ва тажриба алмашиш имконини яратади.

Манбага кўра, Ўзбекистоннинг Франциядаги элчихонасида мамлакатимизнинг сайёҳлик салоҳияти мавзусида тақдимот ўтказилган. Тадбирда икки мамлакат туристик ташкилотлари ўртасида битимлар имзоланган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Париждаги “IFTM Top Resa – 2016” кўргазмаси иштирокчилари Ўзбекистонга катта қизиқиш билдиришмоқда