Бир парча ердан 7 миллион даромад олган олтинкўллик деҳқонбобо » Ўзбекистон янгиликлари – Zamin.uz
19-12-2016 | 18:40 ZAMIN.UZ / Жамият / 19 Декабр 2016
499

Бир парча ердан 7 миллион даромад олган олтинкўллик деҳқонбобо

Бир парча ердан 7 миллион даромад олган олтинкўллик деҳқонбобо

Қишнинг қорли кунларида баҳор нафасини туйгингиз келса, миришкор деҳқон хонадонига боринг экан. Маҳалланинг ўртасидаги оддий хонадон иссиқхонасида худди кўклам нафаси кезаётгандек. Икки ярим сотихли иссиқхонадаги кўчатлар саноғи йўқ ҳосилнинг мўллигидан эгилиб турибди.
Бир парча ердан 7 миллион даромад олган олтинкўллик деҳқонбобо

Андижон вилояти Олтинкўл туманидаги Офтобачек маҳалласида ҳар ўн хонадоннинг бирида мўжаз ердан яхши даромад олаётганлар жуда кўплиги қувонарли ҳол.
Бир парча ердан 7 миллион даромад олган олтинкўллик деҳқонбобо

- Лимон кўчатларини экканимга беш йилдан ошди, меҳр берсанг бу лимон деганлари мевасини аямай берар экан,- дейди соқоллари ярашиб турган Набижон ота. – Саноқли кўчатлар жуда кўп мева қилиб, ўтган йили олти миллион сўм даромад олгандик. Бу йил етти миллионни кўзлаб турибмиз.
Бир парча ердан 7 миллион даромад олган олтинкўллик деҳқонбобо

Миробод маҳалласидаги Одилжон Юлдашев хонадонига борганимизда боғбон етиштирган доривор неъматга харидор келган экан. Кичкинтой ўғли билан мева тераётган деҳқоннинг ҳосилига барака тиладик. Бир ярим сотих жойдаги 35 туп “Мир” навли лимон кўчати шиғил-шиғил мева солибди.

- Агар иссиқлик етарли бўлиб, парваришни меъёрида олиб борсангиз йилига икки марта ҳосил оласиз,-дейди уста деҳқон Одилжон.
Бир парча ердан 7 миллион даромад олган олтинкўллик деҳқонбобо

Тумандаги 1-умумтаълим мактабида ҳам йилнинг ноябрь ойида жамоа лимонарий яратишга киришиб, ҳеч қандай иситиш мосламаларисиз “термос” усулида бунёд этилган жойда 25 туп лимон кўчатларини парвариш қила бошлади. Уч йиллик цитрус ниҳоллар атрофи шудгорланиб, укроп, кашнич каби резавор кўкат уруғлари сепилибди.
Бир парча ердан 7 миллион даромад олган олтинкўллик деҳқонбобо

Қишлоқда иссиқхона қуришга маҳалла фуқаролар йиғинида ташкил этилган агрофирмалар кўмаклашиши ҳақида эшитганлар ҳужжатлар расмийлаштиришни бошлашибди. Олтинкўл туманида 56 та агрофирма ташкил этиш режаси тузилган. Айни пайтда улардан 47 таси фаолият бошлади. Агрофирмалар фаолияти, иссиқхоналар учун банкларнинг кредит ажратиши жадаллаштирилмоқда.
Бир парча ердан 7 миллион даромад олган олтинкўллик деҳқонбобо

Деҳқонларга шароит яратилса, аҳоли дастурхони тўкин бўлади. Ҳар қаричи тиллога тенг еримиздан унумли фойдаланиб, ноз-неъматлар яратаётган хонадонларда бўлиб, яна кўп фуқароларнинг мана шундай ишга бел боғлаётганига гувоҳ бўлдик.
Элмурод Эрматов, Андижон.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru