Швецияда ўзбекистонлик йигит бир қизни зўравонликдан қутқариб қолди » Ўзбекистон янгиликлари – Zamin.uz
15-01-2016 | 20:02 ZAMIN.UZ / Жамият / 15 Январ 2016 года
1 974

Швецияда ўзбекистонлик йигит бир қизни зўравонликдан қутқариб қолди

Швецияда ўзбекистонлик йигит бир қизни зўравонликдан қутқариб қолди

23 ёшли ўзбекистонлик Аъзамжон Шокиров Швеция матбуотининг қаҳрамонига айланди. У муҳожирлар гуруҳи томонидан Янги йил кунлари аёлларга уюштирилган ҳужумлар пайтида бир қизни зўравонлар қўлидан қутқариб олди. Бу ҳақда Kun.uz хабар бермоқда.

Айтилишича, Аъзамжон ҳақидаги материаллар маҳаллий Aftonbladet ва Expressen нашрларида босилиб чиққан, шунингдек, СВТ телеузатиш ташкилоти унга бағишлаб махсус сюжет ишлаган.

Аъзамжон Швециянинг Кальмар шаҳрида истиқомат қилиб келган. Унинг касби автомеханик бўлган. Байрам кечасини у дўстлари билан Кальмарнинг марказидаги пабда ўтказган. Кеча тугаганидан сўнг у ичмагани боис ширакайф дўстларини уй-уйларига элтиб қўйган.

Уйига қайтиш чоғида кафелардан бирининг ёнида 7-8 кишидан иборат гуруҳ бир қизни ўраб олиб, тегажоғлик қилаётганига гувоҳ бўлган. Аъзамжон воқеага аралашиб, қизни машинага ўтқизган ва уни олиб кетган. Бир соат давомида машинасида шаҳар айланиб, қизнинг кайфи тарқалишини кутган, сўнг қиз унга уйини кўрсатиб юборган. Қизнинг онаси йигитга миннатдорчилик билдирган.

Швецияга Аъзамжон беш йил муқаддам оиласи билан кўчиб келган.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru