Англиянинг энг бой футболчилари » Ўзбекистон янгиликлари – Zamin.uz
26-05-2016 | 17:34 ZAMIN.UZ / Спорт / 26 Май 2016 года
1 835

Англиянинг энг бой футболчилари

Англиянинг энг бой футболчилари

Инглиз нашрлари ушбу мамлакатда тўп сураётган энг бой футболчилари рўйхатини аниқлади. Эътиборлиси, футболга ихтисослашган нашрлар тузган рўйхатдан асосан 30 ёшли ўйинчилар жой олишди. Эътиборлиси, биринчи ўринни “Манчестер Юнайтед” ҳужумчиси Уэйн Руни эгаллади.

Уэйн Руни (“Манчестер Юнайтед”)
Умумий бойлиги: 82 миллион фунт стерлинг

Руни бугунги кунда АПЛда энг кўп маош оладиган футболчи ҳисобланади. Унинг ҳафталик маоши 300 минг фунтни ташкил қилади. Ортда қолган йилда “Шрек” “Nike” ва “Samsung” компаниялари билан тузилган шахсий шартномалари орқали катта даромадга эга бўлди. Ўтган йилга нисбатан Рунининг топаётган даромади 10 миллион фунтга кўтарилди. Ҳозирда унинг умумий даромади 82 миллион фунтни ташкил қилмоқда.

Серхио Агуэро (“Манчестер Сити”)
Умумий бойлиги: 33 миллион фунт стерлинг

Иккинчи ўрин соҳиби сифатида “Манчестер Сити” етакчиси Серхио Агуэро эгаллади. Аргентиналик ҳужумчи ҳам катта миқдорда маош оладиган футболчилар сирасига киради. Умумий даромадининг кўпчилик қисмини айнан “шаҳарликлар”да ўтказаётган ўйинлари билан ишлаб топган. Ўтган йилга қараганда, унинг йиллик даромади 7 миллион фунтга кўтарилган. Бунга турли реклама роликларидан топган пуллари ҳам киритилган.

Давид Сильва (“Манчестер Сити”)
Умумий бойлиги: 31 миллион фунт стерлинг

Майдон марказида фантастик ўйинлар намойиш қила оладиган Сильва ҳам бугунги кунда Британия футболида энг бой спортчилардан бири деса бўлади. Чунки Сильва ҳам “шаҳарликлар”да жуда катта миқдорда маош ишлаб топади. Бундан ташқари, реклама роликларидан ҳам анча-мунча гонарарлар келиб туради. Шундан келиб чиқиб, Сильванинг йиллик даромади 6 миллион фунтга кўтарилди ва умумий бойлиги 31 млнга етди.

Сеск Фабргес (“Челси”)
Умумий бойлиги: 29 миллион фунт стерлинг

“Челси”да яхшигина даромад топадиган Фабрегес ушбу рўйхатни бешинчи поғонасини банд қилди. Ҳозирда Сескнинг бойлиги 29 миллион фунтни ташкил қилмоқда. Илгари “Арсенал” ва “Барселона”да тўплаган маблағлари ҳам киритилган. У ҳам реклама роликлари орқали гонарар ишлаб топмоқда.

Самир Насри (“Манчестер Сити”)
Умумий бойлиги: 22 миллион фунт стерлинг

Инглиз юртида “Манчестер Сити” футболчиларга маош тўлаш борасида бошқалардан устунлик қилмоқда. Шу боисдан Насрининг умумий бойлиги анчани ташкил қилмоқда. Ҳафталик маоши салкам 200 минг фунтга етадиган франциялик ярим ҳимоячи ҳам энг бой футболчилрдан биридир.

Рейтинг:
  • Dislike
  • 0
  • Like
Ҳавола:
Рейтинг@Mail.ru