Моуриньо «Манчестер Юнайтед» билан шартнома имзолади » Ўзбекистон янгиликлари – Zamin.uz
27-05-2016 | 00:30 ZAMIN.UZ / Спорт / 27 Май 2016 года
540

Моуриньо «Манчестер Юнайтед» билан шартнома имзолади

Моуриньо «Манчестер Юнайтед» билан шартнома имзолади

Португалиялик мутахассис Жозе Моуриньо «Манчестер Юнайтед»нинг янги бош мураббийига айланди. Бу ҳақда "Кун" нашри хабар тарқатмоқда.

Хабар қилинишича, бугун Лондонда португалиялик мутахассис «Манчестер Юнайтед»нинг ижрочи директори Эд Вудворд билан учрашган ва шартномага қўл қўйган.

Ҳозирча бу ҳақда жамоа расман эълон қилмади, шунингдек, шартноманинг қанча вақтга ва қандай шартлар назарда тутилган ҳолда тузилгани келтирилмаган.

Жорий ҳафтада «Манчестер Юнайтед» қониқарсиз натижалар туфайли Луи ван Гаал билан муддатидан олдин шартномани бекор қилди. Моуриньо эса 2015 йилнинг декабрида «Челси» бош мураббийлигидан истеъфога чиқарилганди.

Бундан олдинроқ манчестерликлар раҳбарияти Жозе Моуриньо «Челси»дан кетгач, ярим йил давомида бошқа клубларнинг таклифини қабул қилмаслиги учун унга 4 миллион фунт стерлингни олдиндан тўлагани ҳақида хабар берилганди. Шунингдек, унга ёзги трансферлар вақтида жамоани кучайтириш учун 150 млн фунт ажратилиши айтилган.

2015/16 йилги мавсум якунига кўра, «МЮ» АПЛ турнир жадвалида бешинчи ўринни эгаллади, шунингдек Англия Кубогига эга чиқди.

Рейтинг:
  • Dislike
  • 0
  • Like
Ҳавола:
Рейтинг@Mail.ru