Евро-2016 ҳақида 10та факт! » Ўзбекистон янгиликлари – Zamin.uz
11-06-2016 | 00:55 ZAMIN.UZ / Спорт / 11 Июн 2016 года
1 334

Евро-2016 ҳақида 10та факт!

Евро-2016 ҳақида 10та факт!

1. Давид Гетта очилиш маросимида иштирок этади.

Дунёга машҳур, франциялик ди-жей Давид Гетта турнирнинг мусиқий элчиси ҳисобланади. Мусобақанинг расмий қўшиғи муаллифи ҳамда ТВ орқали мусобақага атаб ёзилган мусиқали трекларнинг муаллифи ҳам айнан Геттадир.

2. Мусобақа рамзи Супер Виктор.

Ҳа, Евро-2016нинг рамзи "Супер Виктор" ҳисобланади. "Супер Виктор" кинолардаги суперқаҳрамон "Бетмен" ва "Супермен"ларга ўхшаб уча олади. Унинг мақсади футбол вирусини имкони борича кўпчиликка юқтириш. Табиийки, Супер Виктор стадион ичи ва унинг ташқарисидаги мухлисларга имкон қадар футбол кайфиятини улашишга ҳаражат қилади.

3. Айрим учрашувларга сотилган чипталардан тушган фойда хайрия йўлида ишлатилади

Масалан, 19 июнь кунги Франция термасининг учрашувига сотиб олинган чипталардан тушган фойданинг маълум бир қисми франциялик марҳум актёр Колуше номи билан аталадиган ташкилотга хайрия қилинади. Колушенинг ўлими 1986 йилда мамлакатни чуқур қайғуга солган эди.

4. Франция президенти Франсуа Олланд турнир учун махсус кенгаш тузди

"11 триколор" деб аталган Кенгаш, мусобақани янада томошабоб ўтиши учун турли жабҳаларда фаолият юритадиган экспертларни жалб қилган. Ушбу мутахассислар, асосан, маданият, туризм, рақамли технология, иқтисод, барқарор ривожланиш ва бошқа соҳаларни ҳам турнир давомида тарғибот қилади

5. Учрашувлар энг замонавий стадионларда ўтказилади.

Франция тарихда биринчи бор 1,6 миллиардлик лойиҳага қўл урди. Унга кўра, барча ўйингоҳлар энергия сарфлайдиган технология билан жиҳозланган. Асосан қуёш энергиясидан фойдаланади. Шунингдек, чимга вақтида сув қуйиб туриш учун ёмғир сувини тўплаб, кейинчалик уни сарфлайдиган техника ишлаб чиқарилган.

6. Хайрия йўлида минглаб чипталар ногиронларга тарқатилган

2016 йили УЕФАнинг Болалар учун ташкилоти 20 мингга яқин чиптани ногирон болаларга тарқатган. Мақсад - футболнинг жамият орасидаги ролини ошириш. Демак, турнир ўтказаётган ҳар бир шаҳар (улар сони 10та)даги ташкилотчиларга 2000тадан чиптани ўз эгаларига топшириш вазифаси юклатилган.

7. Ишқибозлар ва маҳаллий яшовчилар билан биргаликда турнирнинг қизиқарли ўтиши учун ҳамкорлик қилишади.

Мақсад - Евро-2016 мусобақасини томоша қилиш учун келган муслисларга, тез ва бепул ёрдам кўрсатиш. Ҳаттоки, 24 соат ишлайдиган қайноқ линиялар ҳам ишга туширилган.

8. Стадионларда чекиш қатъиян маън этлади

УЕФА ушбу лойиҳа юзасидан бир неча ташкилотлар билан ҳамкорлик қилаяпти. 110дан ортиқ кўнгиллилар сигарет чекишни олдини олиш учун стадионларда махсус мониторинг ўтказади

9. Мезбонлар

Франция Европа чемпионатини ўзида учинчи бор ўтказаяпти. Унгача 1960 ва 1984 йилларда айни турнирга мезбонлик қилган.

10. Иштирокчилар сони

Бугунги кунгача Европа чемпионати финал босқичига 16та терма жамоа йўлланма оларди. Энди эса, улар сони 24тага етди.

Манба: Fut.uz

Бизни Телеграм орқали кузатиб боринг: https://telegram.me/zaminuz

Теглар: EURO 2016

Рейтинг:
  • Dislike
  • 0
  • Like
Ҳавола:
Рейтинг@Mail.ru