Боксчимиз Рио Олимпиадасида Ўзбекистон байроқдори бўлади » Ўзбекистон янгиликлари – Zamin.uz
17-07-2016 | 14:00 ZAMIN.UZ / Спорт / 17 Июл 2016
854

Боксчимиз Рио Олимпиадасида Ўзбекистон байроқдори бўлади

Боксчимиз Рио Олимпиадасида Ўзбекистон байроқдори бўлади

Жорий йилнинг 5-21 август кунлари Бразилиянинг Рио-де-Жанейро шаҳрида ХХХI ёзги Олимпия ўйинлари бўлиб ўтади. Тўрт йилликнинг ушбу нуфузли турнирининг очилиш маросимида Ўзбекистон байроғини кўтаришдек шарафли вазифа боксчимиз Баҳодир Жалоловга топширилади.

Эслатиб ўтамиз, +91 кг. вазн тоифасида юртимиз шарафини ҳимоя қилиб келаётган Баҳодир 2016 йилнинг март ойида Хитойнинг Куинан шаҳрида XXXI ёзги Олимпиада ўйинларининг йўлланмалари учун ўтказилган Осиё ва Океания қўшма лицензион чемпионатида кумуш медал соҳибини қўлга киритиб, йўлланмани қўлга киритган эди.

Бундан ташқари боксчимиз Ўзбекистон чемпиони, 2015 йилда Қатарда ўтган Жаҳон чемпионатида бронза медали ва кўплаб халқаро турнирлар ғолиби ҳисобланади.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru