2009 йилдаги «Барселона» - «Челси» ўйини ҳаками: «Барселона»дан пул олмаганман» » Ўзбекистон янгиликлари – Zamin.uz
29-07-2016 | 23:15 ZAMIN.UZ / Спорт / 29 Июл 2016 года
443

2009 йилдаги «Барселона» - «Челси» ўйини ҳаками: «Барселона»дан пул олмаганман»

2009 йилдаги «Барселона» - «Челси» ўйини ҳаками: «Барселона»дан пул олмаганман»

2009 йилги Европа чемпионлар лигасининг ярим финалида «Барселона» ҳамда «Челси» жамоалари тўқнаш келганди. Биринчи ўйин Барселонада ўтган ва ҳисоб очилмаганди.

Иккинчи ўйин Лондонда кечди. Ўйинда Майкл Эссиен ҳисобни очди ва «Челси» 93-дақиқагача ғалаба қозониб, иккинчи марта қаторасига чемпионлар лигаси финалига чиқишга яқин турганди, лекин...

Иньеста гол уриб, «Барселона»ни финалга олиб чиқди ва Гвардиола шогирдлари билан илк марта чемпионлар лигасида зафар қучганди. Ўша ўйиннинг бош қаҳрамони норвегиялик ҳакам Марк Эвребе бўлганди. Ҳакам ўйиндан 7 йил ўтиб барчасини эслади.

«Ўша ўйинда мен жуда кўп хатога йўл қўйдим, тан оламан. «Челси»да мен камида 6-7 марта пенальти белгиламаганимни айтишди, лекин бу бўрттириш. Хуллас, ўша кеча меники эмасди.

Туни билан юзлаб sms'лар келди. Кимдир қўллаб-қувватлади, мухлислар эса... Эслагим келмайди. Мен ўша ўйиндан кейин тезроқ барчасини унутишни хоҳлардим. Менинг «Барселона»дан пул олганим ҳақида кўп гапиришди, лекин бу бўлмаган гап. Европа чемпионлар лигасида сотилган ўйинлар бўлмайди»,- дейди Эвребе.

Манба:Kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru