Ҳасанбой Дўсматов Рио-2016 олимпиадасининг энг яхши боксчиси сифатида Вэл Баркер кубоги билан тақдирланди » Ўзбекистон янгиликлари – Zamin.uz

Ҳасанбой Дўсматов Рио-2016 олимпиадасининг энг яхши боксчиси сифатида Вэл Баркер кубоги билан тақдирланди

Ҳасанбой Дўсматов Рио-2016 олимпиадасининг энг яхши боксчиси сифатида Вэл Баркер кубоги билан тақдирланди

Энг енгил вазн (49 кг.) тоифасида Рио-2016 Олимпиадасида иштирок этган ва олтин медални қўлга киритган ўзбекистонлик боксчи Ҳасанбой Дўсматов турнирнинг энг яхши боксчисига бериладиган Вэл Баркер кубоги билан тақдирланди. Бу ҳақда Халқаро ҳаваскор боксчилар уюшмаси (AIBA) матбуот хизмати берган маълумотга асосланиб "Кун" хабар берди.

Унинг техникаси, хатти-ҳаракатлари бокс мутахассисларини беэътибор қолдирмаган.

"Биламан, оиламдагилар мен учун хурсанд бўлишмоқда. Чемпионлик - ўхшаши йўқ ҳаяжонлар олиб келди. Рио-де-Жанейрога Олимпия ўйинларидаги тажриба учун катта раҳмат", деган Дўстматов.

Эслатиб ўтамиз, 23 ёшли ушбу боксчи финалда колумбиялик Юберхен Мартинесни енгиб, Ўзбекистон учун илк олтин медални келтирганди.

1934 йилдан буён Вэл Баркер Кубоги AIBA қўмитаси талқинига кўра Олимпия ўйинларида энг ёрқин жангларни олиб борган боксчиларга тақдим этилади. Ўз вақтида кубалик 3 карра Олимпиада чемпиони Теофило Стивенсон, энг совриндор боксчи, украиналик Василий Ломаченко кабилар ҳам шундай мукофот билан тақдирланишган. 2012 йилги Лондон Олимпиадаси якунида эса Вэл Паркер кубоги Қозоғистон вакили Серик Сапаевга берилганди.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru