Ўзбекистон спорт курашлари ассоциацияси вице-президенти мўғулистонлик мураббийларнинг хатти-ҳаракатини «цирк» деб атади » Ўзбекистон янгиликлари – Zamin.uz

Ўзбекистон спорт курашлари ассоциацияси вице-президенти мўғулистонлик мураббийларнинг хатти-ҳаракатини «цирк» деб атади

Ўзбекистон спорт курашлари ассоциацияси вице-президенти мўғулистонлик мураббийларнинг хатти-ҳаракатини «цирк» деб атади

Ўзбекистон спорт курашлари вице-президенти Шомурод Шофайзиев эркин кураш бўйича -65 килограмм вазн тоифасидаги Рио–2016 Олимпиадасининг бронза медали учун ўзбекистонлик Ихтиёр Наврўзов ва мўғулистонлик Ганзоригийн Мандахнаран ўртасидаги жангда юз берган воқеага ўз муносабатини билдирди. Бу ҳақда «Дарё» хабар бермоқда.

Наврўзов ва Мандахнаран ўртасидаги беллашув якунига 5 сония вақт қолганида 7:6 ҳисобида олдинда бораётган мўғулистонлик спортчи рақибидан очиқчасига қоча бошлагани учун ҳакамлар ўзбекистонлик спортчига 1 балл беришга қарор қилган эди. Мағлубиятга чидай олмаган Мўғулистон термаси мураббийлари ўз кийимларини ечиб ташлаганди.

«Такрорий вазиятда ҳакамларнинг хатоси бор экани кўринди. Аслида 2 балл берилиши керак эди. Мўғулистонлик спортчи қочиб кетди-ку. Агар у 2—3 сония давомида қочмаганида, балл берилмасди. Лекин унга пассивлиги учун балл берилди. Бу ҳаққоний, ҳар қайси мураббий буни айтади. Мўғулистонликлар ғалаба уларнинг чўнтагида деб ўйлади.

Бундай циркни ҳаётимда биринчи марта кўряпман. Бу маданиятсизлик. Биздан ҳам очколар олиб ташланган, лекин биз ечинмаганмиз. Мутахассислар вазиятни кўриб, ғалаба соф эканини айтсин», – деди Шомурод Шофайзиев.

Рейтинг:
  • Dislike
  • 0
  • Like
Ҳавола:
Рейтинг@Mail.ru