Россия допинг-можаро сабаб Олимпиаданинг қанча медалидан қуруқ қолгани ҳисоблаб чиқилди » Ўзбекистон янгиликлари – Zamin.uz

Россия допинг-можаро сабаб Олимпиаданинг қанча медалидан қуруқ қолгани ҳисоблаб чиқилди

Россия допинг-можаро сабаб Олимпиаданинг қанча медалидан қуруқ қолгани ҳисоблаб чиқилди

АҚШнинг Fox News телеканали допинг можароси бўлмаганида Россия термасига қўшимча медалларни олиб келувчи россиялик спортчилар рўйхатини тузиб чиқди. Бу ҳақда "Кун" хабар бермоқда.

Хусусан, лангарчўпда сакраш бўйича икки карра Олимпия чемпиони Елена Исинбаева медал олиши аниқ эди. Fox News ўз фикрига, спортнинг ушбу турида Рио-2016 олтин медалига сазовор бўлган грек спортчиси Екатерини Стефанидининг натижасини асос қилмоқда. У, 4,85 метрлик натижа билан шоҳсупанинг юқори поғонасидан жой эгаллади. Россиялик енгил атлетикачи эса, бу йилги жаҳон чемпионатида ундан беш сантиметр баландроқ натижани кўрсатган.

Спринтер Сергей Шубенков ҳам Рио Олимпиадаси медалини қўлга киритиши мумкин эди. Унинг Пекин мусобақаларида кўрсатган натижаси 12,98 сония бўлган. Риода олтин медални қўлга киритган ямайкалик спортчи Умар Маклеод 13,05 сонияни қайд этди.

Бундан ташқари, Мария Кучинага ҳам Олимпиадада иштирок этишига рухсат берилганида олтин медаль соҳибига айланиш эҳтимоли йўқ эмас эди. У, июль ойида 2 метр баландликка сакраган бўлса, янги Олимпия чемпиони испаниялик Рут Бейтиа 1,97 метрга сакраб, олтин медални қўлга киритди.

Шу билан бирга, оғир атлетика бўйича жаҳоннинг тўрт карра чемпиони Татьяна Каширина, Лондонда ғолибликни қўлга киритган байдаркачи Александр Дьяченко ҳамда спортча юриш мутахассиси Елена Лашмановалар ҳам Россия термасига олтин медаль олиб бериши мумкин эди.

Шунга қарамай, Россия термаси қисқартирилган таркибда ҳам ёмон натижа кўрсатмади ва умумжамоа ҳисобида 19та олтин, 17та кумуш, 19та бронза медаль билан тўртинчи ўринни эгаллади.

Рейтинг:
  • Dislike
  • 0
  • Like
Ҳавола:
Рейтинг@Mail.ru