Гвардиола томонидан “ҳайдалган” 5 нафар юлдузлар » Ўзбекистон янгиликлари – Zamin.uz
27-08-2016 | 16:50 ZAMIN.UZ / Спорт / 27 Август 2016 года
7 425

Гвардиола томонидан “ҳайдалган” 5 нафар юлдузлар

Гвардиола томонидан “ҳайдалган” 5 нафар юлдузлар

Машҳур мураббий Пеп Гвардиола томонидан клубдан "ҳайдалган" юлдузлар билан zamin.uz блоги таништиради.
5. Деку (Барселона).

Гвардиола томонидан “ҳайдалган” 5 нафар юлдузлар

Гвардиола “Барселона” га келгунга қадар португалиялик “Барселона” нинг етакчи ярим ҳимоячиси эди, лекин Пеп клубнинг маҳаллий тарбияланувчилари Иньеста ва Хавиларга жой ажратишга қарор қилди. Гвардиола учун бошқаларга “ўрнак” бўладиганлар йўқ эди, шунинг учун ҳеч қандай шубҳага берилмасдан клуб етакчиси билан хайрлашди. “Барса” дан кейин Деку “Челси” га ўтди, Англия чемпионатида ўз омадини синаб кўриш учун. Лекин унинг Испания чемпионатида кўрсатган моҳирона ўйинларини англиялик мухлислар кўра олишгани йўқ.
4. Роналдиньо (Барселона).

Гвардиола томонидан “ҳайдалган” 5 нафар юлдузлар

Гвардиоланинг “Барселона” бошқарувига келгунига қадар Роналдиньо ўз маҳорати ва жонкуярлиги билан “Олтин тўп” ни ютишга эришган эди. Бразилиялик аста-секин ўз ўйинини бой бера бошлади, унинг индивидуал техникаси Гвардиоланинг тактикасига тўғри келмади. Бунинг устига ўсиб келаётган Леонель Месси ҳужум чизиғида етакчиликни қўлга олишга тайёр эди, Роналдиньо эса хотиржамлик билан Каталонияни тарк этиб Миланга кўчиб ўтди.
3. Яя Туре (Барселона).

Гвардиола томонидан “ҳайдалган” 5 нафар юлдузлар

Турега Деку ва Роналдиньога қараганда бирмунча “омад кулиб боқди”, чунки у ёш ва келажаги жуда ёрқин футболчи эди. Туре Гвардиола қўл остида икки мавсум бир қанча позицияларда, шу қатори марказий ҳимояда ҳам тўп суришга муваффақ бўлди. Маҳаллий тарбияланувчи Серхио Бускетс етишиб чиққач Гвардиола Туредан осонлик билан қутилди, ваҳолонки у Турени жамоа етакчиси эканлиги ва уни қўйиб юборишни хоҳламаслиги ҳақида қатъий фикр билдирган бўлсада. Лекин 35 млн. фунт Туредан муҳимроқ бўлди ва 2010 йилда “Манчестер Сити” га сотиб юборилди. Туре биринчи мавсумдаёқ жамоа етакчиси бўлди ва жамоаси билан АПЛ ғолиблигини қўлга киритди. Гвардиоланинг “Манчестер Сити”ни бошқариши маълум бўлгач жамоа мухлислари ўз етакчиларининг тақдири ҳақида қайғуриб қолишди. Чунки биринчи турдан сўнг Пеп Яя Туредан яна воз кечиши мумкинлиги аён бўлди.
2. Жо Харт (Манчестер Сити).

Гвардиола томонидан “ҳайдалган” 5 нафар юлдузлар

Нима бўлганда ҳам “Манчестер Сити” дан биринчи бўлиб “қувилиш” Турега насиб этмади, кутилмаганда ушбу “қувилиш” Англия терма жамоаси ва “Манчестер Сити” нинг асосий дарвозабони Жо Хартни бошига тушди. Ҳеч ким воқеалар ривожи бундай тус олишини хаёлига ҳам келтирмаган эди, лекин Гвардиола Хартни заҳира ўриндиғига михлади ва “Барселона” нинг асосий дарвозабони Клаудио Бравони сотиб олинишига эришди. Гвардиоланинг бундай қарори ҳақида бирон нарса деб гапириш қийин. Ёки Гвардиоланинг тактик ўй-фикри, ёки Хартнинг хатоси, балки шахсий қарашлари мос келмагандир, нима бўлганда ҳам Харт учун қарор қабул қилиниб бўлинди. Энди Харт ўзи учун янги жамоа ахтаришига тўғри келади.
1. Златан Ибрахимович (Барселона).

Гвардиола томонидан “ҳайдалган” 5 нафар юлдузлар

Златан “Барселона” га Это'О ни ўрнини эгаллаши учун келтирилган эди, лекин жуда катта молиявий компенсация, унинг ўйин услуби ва ўзини тутиши испаниялик мураббийга тўғри келмаган кўринади. Каталонияда Златан бир мавсум ўйнади, шундай сўнг унинг Гвардиола билан келишмовчилиги ҳақидаги гаплар тарқалди ва ижара асосида “Милан” клубига бериб юборилди. Бундан “Барселона” жуда катта маблағ йўқотди, лекин Гвардиоланинг қарори қатъий эди. У ҳақида Златан: “Гвардиола – фантастик мураббий. Лекин инсон сифатида у аҳмоқ. У эркак эмас”, - деб гапирган эди. Златан Пепнинг шахсий ҳатти ҳаракатларидан ва клуб тарбияланувчиларига нисбатан юзаки қарашидан норози эди. Охир оқибат Гвардиола Златанни “Барселона” дан кетишига сабабчи бўлди, лекин бундан клуб жуда катта зиён кўрди.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru