Миржалол Қосимов: Гуруҳ фаворитимиз, гуруҳда 1-ўринни қўлга киритиш қўлимиздан келади » Ўзбекистон янгиликлари – Zamin.uz
14-04-2015 | 16:36 ZAMIN.UZ / Спорт / 14 Апрел 2015 года
828

Миржалол Қосимов: Гуруҳ фаворитимиз, гуруҳда 1-ўринни қўлга киритиш қўлимиздан келади

Миржалол Қосимов: Гуруҳ фаворитимиз, гуруҳда 1-ўринни қўлга киритиш қўлимиздан келади

Малайзия пойтахти – Куала-Лумпур шаҳрида 14 апрель, сешанба куни Осиё қитъаси учун футбол бўйича Жаҳон Чемпионати-2018 иккинчи саралаш босқичига қуръа ташланди.

ЎФФ матбуот хизматининг маълум қилишича, қуръа натижаларига кўра Ўзбекистон термаси Баҳрайн, КХДР, Филиппин ва Яман терма жамалари билан бирга “H” гуруҳидан ўрин олган. Ўзбекистон миллий терма жамоаси бош мураббийи Миржалол Қосимов ЎФФ матбуот хизматига қуръа якунлари бўйича ўз фикрларини билдириб ўтди.

“Қуръа натижаларидан қониқиш ҳосил қилдим. Биз нисбатан тенг кучли рақиблар йиғилган гуруҳдан жой олдик, шу сабабли қизиқарли ўйинлар гувоҳига айланишимиз мумкин. Асосий мақсадимиз – гуруҳда 1-ўринни қўлга киритиб, ЖЧ-2018 йўлидаги курашни давом эттириш. Гуруҳ фаворити эканлигимиздан келиб чиқиб, ушбу вазифани уддалаш қўлимиздан келади, деб ўйлайман”, – деди Миржалол Қосимов.

“Баҳрайн – кучли ва бизга яхши таниш жамоа. Биз бу жамоа имкониятларини ва у тахминан қандай ўйнашини биламиз. КХДР терма жамоаси билан ҳам бир неча бор тўп сурганмиз. Улар билан ўйнаш осон эмас, бироқ бу жамоани мағлуб этиш мумкин ва буни Австралияда бўлиб ўтган сўнгги Осиё Кубогида ҳам кўрсата олдик. Филиппин ва Яман ҳақида эса ҳозирча ҳеч нима дея олмайман, чунки Филиппин билан ҳеч дуч келмаганмиз, Яман 90-йилларда икки марта ўйнаганмиз”, – дея қўшимча қилди Миржалол Қосимов.

Ўзбекистон миллий терма жамоаси саралашни Шимолий Кореяга қарши сафар ўйини билан бошлашига эътиборни қаратаркан, бош мураббий жумладан шундай деди: “Биринчи ўйин ҳар доим қийин бўлади. Бироқ исталган мусобақани ғалаба билан бошлаш муҳим аҳамиятга эга. Бизда иқтидорли футболчилардан таркиб топган яхши жамоа бор. Ўйлайманки, биз биринчи ўйиндаёқ 3 очко ишлай оламиз”, – деди Қосимов.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru