Мадриднинг "Реал" клуби Испания примероси 16-тури доирасида ўтказилган учрашувда "Севилья"га 1:2 ҳисобида имкониятни бой берди. Шу тариқа “Қироллик клуби”нинг 40 ўйиндан иборат мағлубиятсиз сериясига чек қўйилди. Ўз майдонида мухлислари қўллаб-қувватлаши орқали Стеван Йоветич (90) ва Серхио Рамос (85) нинг автоголлари эвазига ғалаба қозонган севильяликлар Мадрид клубининг салкам бир йиллик зафарли юришига чек қўйишди. "Реал" учун Криштиану Роналду (67)нинг голи камлик қилди.
Ушбу жамоалар ўртасидаги аввалги учрашув, 12 январь куни Испания кубоги доирасида ўтказилиб, унда дуранг қайд этилганди – 3:3. Бу натижа эвазига “Реал” барча турнирларни қўшиб ҳисоблаганда мағлубиятсиз ўйинлар сони бўйича “Барселона” рекордини янгилаганди. Ҳозирга қадар ҳеч бир клуб 40 ўйиндан иборат мағлубиятсиз серия соҳиби бўлмаган.
Сўнгги бор "Реал" 2016 йил апрелида Чемпионлар лигаси 1/4 финалида "Вольфсбуг" клубига имкониятни бой берганди - 0:2. Ўшандан бери мадридликлар 30 бор зафар қучишди ва 10 марта рақиблари билан муроса кўчасини танладилар.
"Реал" мусобақа жадвалида 17 учрашувдан кейин 40 очко жамғарган ҳолда етакчилик қилмоқда. Бу ғалаба орқали "Севилья" эса иккинчи поғонага кўтарилиб олди (18 ўйин, 39 очко). Учинчи ўринда эса "Барселона" (18 – 38) жамоаси кетмоқда.
Аввалги рекордни қайд этган «Барселона» 2015 йил октябридан 2016 йил мартига қадар кетма-кет 39 баҳсда мағлубият нималигини билишмаганди.
Яна бир қизиқ факт, “Реал” бундан атиги бир тур олдин, примеронинг 15-турида ҳам рекорд қайд этганди. Ўшанда «Депортиво»ни мағлуб этган (3:2) Зайниддин Зидан шогирдлари мағлубиятсиз серияни 35 ўйинга етказиб, 1989 йилда қайд этилган 34 ўйинлик ўз рекордларини янгилагандилар.
Манба: Vodiymedia.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Германиянинг Knauf компанияси Россиядан бутунлай чиқиб кетишини тасдиқлади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Академик Қодир Ғуломов Қўшработда бўлди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди
Рамзан Қодировнинг 19 ёшли қизи медаль билан тақдирланди