Краснодар биринчи даврани йирик мағлубият билан якунлади » Ўзбекистон янгиликлари – Zamin.uz

Краснодар биринчи даврани йирик мағлубият билан якунлади

Краснодар биринчи даврани йирик мағлубият билан якунлади

Россия чемпионатининг биринчи даврасининг сўнгги турида «Краснодар» жамоаси Санкт-Петербургда «Зенит» меҳмони бўлди. Учрашув ўта ноқулай об-ҳаво шароитида ўтиб, майдонни қор қоплагани учун қизил тўпдан фойдаланилди, деб хабар бермоқда «Kun.uz».

Одил Аҳмедов жароҳат туфайли краснодарликларга ёрдам бера олмаган ўйинда жамоа ўз дарвозасидан жавобсиз 4 та гол олиб чиқишга мажбур бўлди. Аввалига биринчи таймнинг 11-дақиқасида питерликлар ҳимоячиси Гарай ҳисобни очган бўлса, иккинчи таймда Витсель (55), Данни (62) ва Смольников (68) каби футболчилар ҳам Дикань дарвозасини ишғол этишга эришишди. «Краснодар» дарвозабони ўйинни охиригача давом эттира олмади.

Ушбу йирик мағлубиятдан кейин, «Краснодар» жамоаси турнир жадвалининг 3-поғонасида қолмоқда. Агар «Динамо» эртага ўз рақибини мағлуб этадиган бўлса, краснодарликлар бу йилги ўйинларни 4-ўринда якунлашлари ҳам мумкин. Чунки, ушбу турдан кейин Россия жамоалари қишки танаффусга чиқиб кетишади ҳамда баҳордан иккинчи даврани бошлашади.

Қайд этиб ўтиш керак, жамоада Одил Аҳмедовнинг йўқлиги билиниб қоляпти. У иштирок этмаган аввалги ўйинларда ҳам «Краснодар» муваффақиятсизликларга учраган эди.

Фото: fc-zenit.ru / kun

Рейтинг:
  • Dislike
  • 0
  • Like
Ҳавола:
Рейтинг@Mail.ru