Барча боксчиларимиз Жаҳон Кубогида медалга эга бўлишди » Ўзбекистон янгиликлари – Zamin.uz
08-12-2014 | 14:04 ZAMIN.UZ / Спорт / 08 Декабр 2014 года
1 084

Барча боксчиларимиз Жаҳон Кубогида медалга эга бўлишди

Барча боксчиларимиз Жаҳон Кубогида медалга эга бўлишди

Россиянинг Белоярск шаҳрида нефть қазиб олувчи давлатлар ўртасида бокс бўйича XII Жаҳон Кубоги якунига етди. Кеча барча вазн тоифаларида ғолиб ва совриндорлар номи маълум бўлди. Ушбу мусобақада Осиё ва Европанинг 18 та давлатидан чарм қўлқоп усталари иштирок этди.

Мамлакатимиз шарафини Абдулла Қўчқоров (49 кг), Муроджон Аҳмадалиев (56 кг), Шахрам Ғиясов (64 кг), Улуғбек Ҳақбердиев (75 кг), Ботирали Мамажонов (81 кг) ва Баҳодир Жалолов (+91) ҳимоя қилишди. Улардан тўрт нафари финал баҳсига етиб келди.

Абдулла Қўчқоров олтин медал учун кечган баҳсда озарбайжонлик Салмон Ализодага, Ботирали Мамажонов эса россиялик Идрис Шахмановга имкониятни бой бериб қўйди. Шахрам Ғиясов тожикистонлик Шавкатжон Раҳимовни, Баҳодир Жалолов эса россиялик Иван Верясовни мағлубиятга учратиб, Жаҳон кубогининг олтин медалини қўлга киритишди.

Қолган яна икки боксчимиз – Муроджон Аҳмадалиев ва Улуғбек Ҳақбердиев ярим финалда мағлубиятга учраб, бронза медали билан тақдирланишди. Умумжамоа ҳисобида терма жамоамиз Россиядан сўнг иккинчи ўринни эгаллади.

Манба. olamsport.com

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru