Озарбайжон чемпионатида футболчи қасддан пенальтини урмади » Ўзбекистон янгиликлари – Zamin.uz

Озарбайжон чемпионатида футболчи қасддан пенальтини урмади

Озарбайжон чемпионатида футболчи қасддан пенальтини урмади

Озарбайжон чемпионати доирасида ўтказилган «Интер» ва «Карабах» футбол жамоалари ўртасидаги баҳсда футболчи қасддан пенальтини урмади. Бу ҳақда «Корреспондент.net»га асосланиб «Дарё.уз» хабар бермоқда.

Ўйин ҳисоби 0:1 бўлиб турганида, ҳакам дарвозабон Ломайнинг ўйин қоидасини қўпол равишда бузганлиги сабаб уни майдондан четлатди ва мезбонлар дарвозасига пенальти белгилади. Бу вақтда «Интер» мураббийи уч ўйинчисини алмаштириб улгурганди. Натижада дарвозага майдондаги «Интер» ўйинчиларидан бири туришига тўғри келди.

Воқеалар ривожини кузатиб турган «Карабах» футболчилари бу адолатсизликдан норози бўлди, тўп олдига келган Эльвин Мамедов қасддан пенальтини нотўғри амалга оширди.

«Бизга бундай ғалаба керак эмас», — деган воқеага изоҳ берар экан «Карабах» мураббийи Гурбан Гурбанов.

«Интер» футбол жамоаси мураббийи Роман Григорчук Гурбановнинг бу қарорини маъқуллаган ва ҳамкасбига нисбатан ҳурмати чексизлигини айтиб ўтган.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru