Apple гаджетларни сувдан ҳимоя қилувчи янги технологияни ихтиро қилди » Ўзбекистон янгиликлари – Zamin.uz
14-11-2015 | 14:32 ZAMIN.UZ / Спорт / 14 Ноябр 2015 года
945

Apple гаджетларни сувдан ҳимоя қилувчи янги технологияни ихтиро қилди

Apple гаджетларни сувдан ҳимоя қилувчи янги технологияни ихтиро қилди

Америка патент ва савдо белгилари бюроси Apple томонидан берилган патент аризасини ошкор қилди. Бу ҳақда «Hi-tech.mail.ru»га асосланиб «Дарё» нашри хабар бермоқда. Ҳужжатда гаджетларни сув таъсиридан ҳимоя қилувчи инновацион технология тавсифланган.

Технология қўлланилгач, сув теккан смартфон ёки планшетни сервис марказига олиб бориш керак бўлмайди. Гаджетнинг ичига кириб қолган сувни электр разряд ёрдамида чиқариб ташлаш мумкин.

Бунда смартфондаги акустик туйнукларни (микрофон ва динамик) гидрофоб хусусият билан таъминлаш кўзда тутилмоқда. Буни ўтказиладиган электр разрядни ўзгартириш ҳисобига амалга ошириш мумкин. Apple муҳандислари датчикларни бевосита акустик модуллар ичига жойлашни ёки чиқадиган товушни таҳлил қилишни таклиф этмоқда.

Датчиклар акустик модулда сув борлигини қайд этиши билан, ток ўтказувчи элементлар электрсизлантирилади. Электрсизланиш турли нуқталарда қўлланилиши туфайли, тўпланган намлик аста-секинлик билан корпусдаги тешиклардан чиқарилади. Бундан ташқари, Apple мутахассислари корпус ичидаги намликдан товушли тўлқинлар ва импульслар ёрдамида халос бўлишни таклиф қилмоқда.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru