Жаҳон футболининг юлдузларининг шохона автомобиллари » Ўзбекистон янгиликлари – Zamin.uz
06-01-2016 | 21:15 ZAMIN.UZ / Спорт / 06 Январ 2016 года
1 498

Жаҳон футболининг юлдузларининг шохона автомобиллари

Жаҳон футболининг юлдузларининг шохона автомобиллари

Миллионлар ўйини ҳисобланган футболда катта даромад топиш мумкинлиги ҳеч кимга сир эмас. Айниқса, Европа томонларда тўп сураётган сайёрамизнинг энг яхши футболчилари қимматбаҳо машиналардан фойдаланишади. Ҳаттоки, қатор уловларга эга эканлигини ҳам биламиз. Хўш, улар топаётган миллионлаб даромадлари эвазига қандай машиналарни сотиб олишни афзал билмоқда? Қуйида мана шунга жавоб излаб топамиз.

Криштиану Роналду
Саёрамизнинг энг кучли футболчиларидан бири бўлган Криштиану Роналдунинг ҳақиқий машинабоп ўйинчи деса бўлади. Португалиялик суперюлдузнинг бугунги кунда автопаркида 20га яқин улови бор. Умумий қиймати, нақ 5 миллион долларга тенгдир. Яқинда футболчи Lamborgini Aventador автомашинасини сотиб олди. Бунинг учун у 379 минг доллардан воз кечди. Сўнгги вақтларда Роналду асосан оқ рангли машиналарни сотиб олишни хуш кўрмоқда. Март ойида футболчи 330 минг фунт миқдоридаги Rolls-Royse Ghoct машинасини сотиб олганди. Умуман олганда, футболчи жуда кўп маош олади. шунингдек, турли реклама роликлари орқали ҳам мўмай даромад топади. Шундан маълум бир фоизини эса автомобилларга сарф қилади. Бундан ташқари, ҳар йили “Реал” жамоаси ҳомийси бўлган Ауди компанияси томонидан футболчиларга машина берилади. Роналду комания берган машиналарни сотиб, ўрнига бошқачароқ тарздаги уловларни сотиб олишга одатланган. Хуллас, унинг гаражида мақтаншига арзийдиган машиналарни истаганча топиш мумкин.

Лионель Месси
Аргентиналик футболчи Месси ҳам Роналдудан кам даромад топмайди. Унинг ҳам йиллик даромади салкам 70 миллион еврога тенг эканлигини биламиз. Албатта, қўшимча, рекламадан тушадиган даромадларни ҳам қўшса бўлади. “Барселона” суперюлдузи Месси Cadillac Escalade машинасини сотиб олди. Бу улов Леога 150 минг долларга тушди. Айтиш керакки, машина жуда шохона тарзда безатилган. Ҳаттоки, ичида уй кинотеатри ҳам жойлашган. Сўнгги вақтларда футболчи асосан спорт машиналарига кўнгил қўймоқда. Тўғри, ўз гаражида 20га яқин машинаси бўлмаса-да, асосан турли русумдаги уловларни олишни канда қилмайди. Хусусан Maserati туркумидаги машиналарнинг асосий харидори айнан Месси ҳисобланади.
Эътиборлиси, яқинда у сотиб олган Cadillac “Барселона” базасидаги машиналар тўхташ жойига сиғмасдан, талофат кўрди. Шунга қарамай, Лео машинасига раҳм қилмасдан, ҳайдашда давом этмоқда.

Неймар
Бразилиялик иқтидорли футболчи Неймар ҳам “Барселона”га кўчиб ўтганидан сўнг турли хил дидларни ўйлаб топадиган бўлди. Шохона безатилган уй сотиб олди. Бундан ташқари, ўз имиджини ўзгартиришга ружу қўйди. Тўғри-да, мўмай келаётган даромадни бир жойда сақлашдан маъно йўқ. Пул борлигида ундан унумли фойдаланиб қолиш муҳим дея ҳисоблаган Неймар яқинда ўзига 210 минг евро турадиган Ferrari California машинасини сотиб олди. Жуда шинам ва чиройли кўринишга эга бўлган улов Неймарга ярашганлигини кўриш мумкин. Футболчи ўз ижтимоий тармоғида машинаси билан тушган расмларини жойлаштирмоқда. Айтиш керак, пулига яраша машина харид қилинган.

Жон Терри
“Челси” клуби сардори Жон Терри ҳам Британиянинг энг бадавлат футболчиларидан бири деса бўлади. Терри қанчалик бой футболчи эканлигини биламиз. Қолаверса, Жон ҳам инглиз футболчиларга хос бўлган ҳислати – машиналарнинг шайдосидир. Унинг гаражида 10дан ортиқ машиналар бор. Улар орасида Ferrari, Aston Martin русумидаги улови бор. Бундан кўнгли тўлмаган ҳимоячи яқинда Ferrari 275 GTB ни харид қилди. Бу машина Террига нақд 1,5 миллион фунтга тушди. Қолаверса, машинанинг роли ўнг томонда жойлашган ҳамда жаҳон бозорида саноқли сотилади. Шунингдек, ички қисмида барча шароитлар яратилган. Жон ҳам Instagramдаги саҳифасида машинасини кўз-кўз қилишни бошлаб юборди. Бу ҳам футболчиларнинг бир эрмаги бўлса керакда.

Златан Ибрагимович
Швециялик футболчи ҳам пул топиш борасида жаҳоннинг энг яъши футболчиларидан бири деса бўлади. Ҳар йили Ибрагимович ўзига мос бўлган машиналарни сотиб олади. 2014 йилда футболчи 380 минг еврога Ferrari русумли машинани сотиб олиб, Франция бўйлаб сайр қилганди. бундан кўнгли тўлмаган шекилли, яқинда 845 минг доллар эвазига Porsche 918 Spyder авто уловини гаражига олиб келди. Озирги пайтларда бу машина Европада жуда оммалашган. Дэвид Бекхэм ҳам айнан шу русумдаги машинани сотиб олиб, АҚШ бўйлаб сайёҳага чиқаётганди. Ибрагимович ҳам Бекхэмдан нимам кам деган фикрга борган шекилли, чўнтагини анча енгиллатиб олди.

Карим Бензема
“Реал”нинг франциялик ҳужумчиси Карим Бензема ҳам машиналарнинг асл шайдоси бўлган футболчилардан биридир. Ҳозирда футболчи “Реал”да ҳафтасига 170 минг евро миқдорида маош олади. Икки ойлик маошини эса Бензема Bugatti Veyronни сотиб олишга сарфлади. Бу машина соатига 427 километр тезликда ҳаракатлана олади. Яна шуни қўшимча қилиш керак, ҳар йили “Реал” футболчилари Испания автодромида ўзаро пойгада иштирок этишади. Мазкур мини пойгада бошқа жамоадошларидан ортда қолмаслик учун Карим турли русумдаги уловларни сотиб олиб, қатнашади. Хуллас, у ҳам ҳар йили, модага амал қилган ҳолда янги машиналарни харид қилади. Шунингдек, ёқмаганларини сотиб юборишни лозим топади. Бу унинг имиджига айланмоқда деса бўлади.

Уэйн Руни
“Манчестер Юнайтед”нинг “Шрек”ки ҳам бошқа ҳамкасбларидан кам жойи йўқ. Жамоанинг энг кўп маош оладиган юлдузи ҳисобланади. Шунга қарамай, Руни қиммат даражадаги уловларни миишни ёқтирмайди. Қачон қарамай, у оддий кўринишдаги машиналарни сотиб олишга одатланган. Яқинда футболчи қиймати 105 фунт бўлган BMW i8ни сотиб олди. Жуда кичик шаклдаги машина қуввати бензинга ихтисослашган. Қолаверса, атроф-муҳитга катта зарар келтирмайди. Биласиз, Англия кўчалари машиналардан чиқаётган тутунлар орқали табиат муҳитнинг бузилишига сабаб бўладиган мамлакат ҳисобланади. Пули кўп бўлишига қарамай, Руни тартиб интизом масласига амал қилган ҳолда заррари кам тегадиган машиналарнинг хизматига таянади.

Жибриль Сиссе

“Такси” кинофильмида кичик ролни бажарган таниқли ҳужумчи Жибриль Сиссе ҳам машиналарга қизиқиши юқори. Унинг ҳам Роналду сингари гаражида 20га яқин машинаси бор. Футболчи жамоасини алмаштириб, бошқа мамлакатга кетадиган бўлса, алоҳида самолёт хизматига таяниб, уловларини ўзи билан олиб кетади. Яқинда Сиссе 1968 йилда ишлаб чиқарилгн – Chevrolet Corvette C3 спорт машинасини сотиб олди. Бунга футболчи атига 50 минг евро сарфлади холос.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru