Руслан Корян: «Локомотив» ОЧЛда иштирок этиши ва Абрамов кучли мураббий бўлгани учун тошкентликлар таклифини қабул қилдим» » Ўзбекистон янгиликлари – Zamin.uz
24-01-2015 | 13:22 ZAMIN.UZ / Спорт / 24 Январ 2015 года
1 750

Руслан Корян: «Локомотив» ОЧЛда иштирок этиши ва Абрамов кучли мураббий бўлгани учун тошкентликлар таклифини қабул қилдим»

Руслан Корян: «Локомотив» ОЧЛда иштирок этиши ва Абрамов кучли мураббий бўлгани учун тошкентликлар таклифини қабул қилдим»

Тошкентнинг "Локомотив" клуби сафида россиялик ҳужумчи Руслан Корян кўрикдан ўтмоқда. У "Луч-Энергия" сафида Россия Биринчи дивизионида ўтган мавсумда 17та ўйинда 6та гол уришга муваффақ бўлди.

"Мен "Локомотив"нинг БААда ташкил этилган йиғинида иштирок этиб, 3та назорат ўйинида 2та гол урдим, - дейди 25 ёшли ҳужумчи Sportbox.ru сайтига берган интервьюсида. Тўғри, кўпроқ, қумда шуғулландик, формамизни тикладик. Нима учун "Локомотив"? Пул туфайли эмас. Қозоғистон чемпионатидан пул томонлама яхшироқ бўлган таклифлар бор эди. Россия Биринчи дивизионидан ҳам таклифлар бор эди. Лекин улар шунчаки мени кўрикка таклиф қилишди ёки ўз олдига жиддий мақсад қўймаган клублардан таклиф бўлди.

"Локомотив" эса 25 февраль куни Осиё чемпионлар лигаси доирасида Саудия Арабистонига қарши баҳс кутиб турибди. Бу эса жиддий синов. Ўз сафига чорлаган клубга бориш лозим, ўзим хоҳлаган жойга эмас. Шунингдек, "Локомотив" жуда кучли тренер Вадим Абрамов ишламоқда. У ўз вақтида Ўзбекистон терма жамоасини бошқарган. Бизнинг қарашларимиз бир жойдан чиқди. Туркияда бўладиган кейинги йиғин вақтда барчаси тўла ҳал қилиб оламиз", - дейди Руслан Корян.

Манба: www.Stadion.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru