Неймар "Леванте" билан учрашувда алмаштирилганидан норози » Ўзбекистон янгиликлари – Zamin.uz
16-02-2015 | 17:30 ZAMIN.UZ / Спорт / 16 Феврал 2015
735

Неймар "Леванте" билан учрашувда алмаштирилганидан норози

Неймар "Леванте" билан учрашувда алмаштирилганидан норози

"Барселона" ҳужумчиси Неймар Испания чемпионатининг 23-турида "Леванте"га қарши учрашувда (5:0) алмаштирилди.

Футболчи ушбу учрашувда "хет-трик"га эришган Мессининг тўп оширишидан сўнг ҳисобни очди ва 67-дақиқада унинг ўрнига Луис Суарес туширилди.

"Менга алмаштирилиш ёқмайди, чунки ҳар бир дақиқани майдонда ўтказишни истайман. Месси эса - шунчаки азамат, у менинг майдон ва унинг ташқарисидаги дўстим.

Умуман олганда биз тўғри йўлдамиз. Биз ўз футолимизни кўрсатишда давом этишимиз керак ва ўзимизга боғлиқ бўлган барча ишларни бажаришимиз керак", - дейди Неймар.

Неймар ушбу мавсум "Барса" сафида умумий 29 учрашув ўтказди ва 24 гол урди. Испания чемпионатида эса - 20 учрашувда 17 гол урган.

Манба: www.std.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru