Uzinfocom марказида Давоматни назорат қилиш ахборот тизими ишлаб чиқилди » Ўзбекистон янгиликлари – Zamin.uz

Uzinfocom марказида Давоматни назорат қилиш ахборот тизими ишлаб чиқилди

Uzinfocom марказида Давоматни назорат қилиш ахборот тизими ишлаб чиқилди

Uzinfocom марказида Давоматни назорат қилиш ахборот тизими (ДНҚАТ) ишлаб чиқилди ва жорий этилди, дея хабар бермоқда марказ матбуот хизмати. У ҳар қандай ташкилот ва ўқув муассасасида ходимлар ва талабалар давоматини кузатиб бориш учун фойдаланилиши мумкин, деб ёзади "Daryo" нашри.

Ходимларнинг ишга келиб-кетиши RFID белгили идентификация карталарини ўқийдиган қурилмалар орқали рўйхатга олинади. ДНҚАТ Id.uz идентификация сервиси билан интеграциялашган бўлиб, бу уни турли давлат ташкилотларига ўрнатишда тежамкорликка эришиш имконини беради.

Бундан ташқари, ДНҚАТ ёрдамида қўриқланадиган зоналарга кириш чеклаб қўйилиши мумкин. ДНҚАТнинг ташкилотдаги маъмури маълум бир хонага кириши мумкин бўлган шахсларни белгилаб қўйиши мумкин.

Uzinfocom марказида Давоматни назорат қилиш ахборот тизими ишлаб чиқилди

ДНҚАТда маъмурият, ходим, ўқитувчи, талаба каби турли ролларга эга фойдаланувчиларни яратиш мумкин. Ҳар бир роль тизимда ўз функционал имкониятларига эга.

Давоматни назорат қилиш ахборот тизимини ўрнатиш ва жорий қилиш бўйича саволлар юзасидан Uzinfocom’нинг Абонент бўлимига қўнғироқ қилишингиз мумкин: 238-42-37, 238-42-38

Фото: Uzinfocom

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru