Samsung: Европада Galaxy Note 7 савдолари 28 октябрда қайта тикланади » Ўзбекистон янгиликлари – Zamin.uz

Samsung: Европада Galaxy Note 7 савдолари 28 октябрда қайта тикланади

Samsung: Европада Galaxy Note 7 савдолари 28 октябрда қайта тикланади

Жанубий Кореянинг Samsung Electronics компанияси берган баёнотига кўра, Galaxy Note 7 фаблетининг Европа мамлакатларидаги сотувлари 28 октябрда қайта тикланади. Бу ҳақда "Terabayt.uz" хабар берди.

Samsung Electronics носоз Galaxy Note 7 смартфонларини расман 19 сентябрдан бошлаб алмаштиришни бошлаган эди. Бироқ ҳатто алмаштирилган янги смартфонларда ҳам қурилма қизиши ва батарея зарядининг одатдагидан кўп сарфланиши каби муаммолар тўғрисида хабар берилган. Шунингдек, тармоқда янгиланган Galaxy Note 7 смартфонларининг яна ёниб кетганлиги ҳақида ҳам миш-мишлар тарқалган.

Жанубий Кореялик гигант 2 сентябрдан ўтказилган матбуот анжуманида Galaxy Note 7 фаблетидаги аккумуляторлар билан боғлиқ носозликни расман тан олиб, моделнинг глобал сотувларини вақтинча тўхтатиши ва муаммони бартараф этишини маълум қилган эди.

МДҲ мамлакатларида ушбу модель ҳали расман сотилмагани сабабли алмаштириш дастури йўлга қўйилмади. Ҳозирча Galaxy Note 7 МДҲ мамлакатларида қачон сотилиши ҳақида аниқ хабарлар мавжуд эмас.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru