Ulefone бармоқ изи сканерига эга арзон Tiger моделини эълон қилди » Ўзбекистон янгиликлари – Zamin.uz

Ulefone бармоқ изи сканерига эга арзон Tiger моделини эълон қилди

Ulefone бармоқ изи сканерига эга арзон Tiger моделини эълон қилди

Бундан бир неча кун олдин Хитойнинг Ulefone компанияси бармоқ изи сканери ва йирик сиғимли батареяга эга арзон Ulefone Tiger моделини тақдим этди. Модель 4200 мА/ст сиғимидаги аккумулятордан қувватланади. Бу ҳақда "Terabayt.uz" хабар берган.

Гарчи модель бор-йўғи 109 доллар атрофида сотувга чиқарилган бўлса-да, у тўлиқ металл корпус билан қопланган, бармоқ изи сканери ва 8 МПли камерага эга. Камера Sony IMX219 сенсори ёрдамида ишлайди, автофокус ҳамда светодиодли чақноқ билан таъминланган. Ulefone Tiger гаджетига Samsung S5KE2 сенсорига эга бўлган 5 МПли олд камера ўрнатилган, у 4G LTE, WiFi 802.11 b/g/n, Bluetooth 4.0 ва GPS модулларини қўллаб-қувватлайди.

Моделга 4-ядроли MediaTek MT6737 процессори, ГБ тезкор ва 16 ГБ доимий хотира ўрнатилган. Шунингдек, доимий хотира сиғимини 128 ГБгача бўлган microSD-карта билан кенгайтириш имконияти мавжуд. Қурилма Android 6.0 Marshmallow версиясидаги дастурда ишлайди.

Ulefone Tiger кулранг, тилларанг ва қора рангли вариацияларда сотувга чиқарилади. Нархи – 109 доллар.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru